Print this page

Kazu Ativu Covid-19 Tun ba 750, Mate Na'in-1

By October 02, 2021 674
Covid-19 iha Timor-Leste. Covid-19 iha Timor-Leste. Foto Tempo Timor

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu ativu Covid-19 tun ona ba 750 no pasiénte na'in-1 mate iha izolamentu.

"Totál kazu ativu ohin, 2 Outubru 2021 hamutuk 750 no totál óbitu na'in-1", dehan nia liuhusi komunikadu imprensa, sábadu (02/10).   

Enkuantu kazu detetatu foun iha 28 (iha Dili    7, Baukau 20 ho munisípiu seluk hamutuk 1), mane 18, feto 10 ho idade 20 na'in-7 ho idade entre 12-59 na'in-20, ho idade 60 na'in-1, kazu rekuperadu 21 no totál kazu konfirmadu kumulativu iha 2 Outubru 2021 (sura husi 21 Marsu 2020) hamutuk 19.563.

Mate na'in-1 ne’ebé relata iha loron 02 fulan-setembru, matebian feto ho idade 56, hela iha RAEOA, vasina seidauk kompletu, iha 27 Setembru 2021, diagnóstikadu sindroma  insufisiénsia respiratória aguda (SIRA) tanba Covid-19.

Iha loron ne’e kedas hala’o tratamentu iha fatin izolamentu iha RAEOA maibé matebian iha mós problema diabete ho anemia gravé no horisehik loraik 16h00 matebian iis-kotu, iha RAEOA.

Hahú husi loron 1 to’o 2 setembru, hamutuk hotu    Laboratóriu Nasionál Saúde (LNS) halo 51 testes PCR iha Dili ho detalla hanesan Vijilánsia sentinela 0, Rastreiu ba kontaktu (Contact tracing) 21, Rastreiu Aleatóriu (Random Screening) 15, Viajen sai husi serka sanitária munisípiu Dili 11, Viajen internasionál 3 no follow up iha kuarentena 1.

Rezultadu testes PCR ne’ebé halo iha loron 1 fulan-setembru, Munisípiu sira seluk REAOA ho HNGV, hamutuk 227, ho detalla hanesan Baukau 37, Ermera 6, Bobonaro-Maliana 12, Ainaro-Maubisse 4, RAEOA 19, Covalima-Suai 20, Vikeké 6, Lautein-Lospalos 33 no HNGV 90. (*)

Rate this item
(0 votes)
Last modified on Saturday, 02 October 2021 17:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items