Login to your account

Username *
Password *
Remember Me

MOP 'Lakohi' Zumalaioan Fiar Ema Inresponsabilidade Politiza Vasina

Ministru Obras Pùblikas (MOP), Salvador Eugénio Soares dos Reis Pires. Ministru Obras Pùblikas (MOP), Salvador Eugénio Soares dos Reis Pires. Foto Suplay

Tempotimor (Dili)-Ministru Obras Pùblikas (MOP), Salvador Eugénio Soares dos Reis Pires, lakohi komunidade Suku Husikai, Postu Administrativu Zumalai, Munisípiu Covalima fiar ema inresponsabilidade ne’ebé politizia vasina iha mídia sosiál.

"Labele fiar ema hirak ne'ebé politizasaun husi vasina ne'e rasik. Iha mundu tomak afeita ba moras Covid-19 la'ós ita mesak de'it, Organizasaun Mundiál Saùde iha tinan kotuk Marsu 2020 deklara katak moras ne'e moras pandémia siknifika katak moras ne'e moras ne'ebé afeita ema barak iha mundu”, dehan nia hafoin hala'o kampaña vasinasaun iha Suku Husikai, kinta (07/10).

Pozisaun Governu esforsu-an mai halo esplikasaun ba Husikaioan sira hodi hakbesik-an ba simu vasina tanba Covid-19 ne'e nu'udar moras ida ne’ebé afeta ba mundu tomak.

"Agora Timor iha teritóriu tomak rihun-19, horibainhirak ha'u mai semana kotuk ema mate 114, agora sa'e ba 119 no kuaze 93% ne'e ema sira ne'ebé vasina dala-ida ou la vasina liu”, dehan nia.

Ho ida  ne’e, husu Komunidade atubele ba vasina tanba moras iha Covid-19 ne'e nia kauza husi vírus, laiha aimoruk.

"Ha'u fó ezemplu apa-ama sira-an no feton sira, bainhira ita sei ki'ik ama-apa sira lori ita ba vasina iha Puskesmas, vasinasaun ne'ebé ita hetan sei ki'ik mak saida, vasinasaun ba sarampu ida tasak ne'e (cacar air) agora entre labarik sira ne'ebé simu ho labarik sira ne'ebé la simu, ita la simu sarampu ne'e kona oin sira ne'e att hotu, agora ida simu ne'e nia kona nafatin nia la att ita bele sura ho liman musan hira de'it”, esplika nia.

Dadauk Governu kontinua esforsu atu hasa'e taxa vasinasaun tanba Governu hadomi nia povu, hakarak salva nia povu.

"Exa, Primeiru Ministru, Taur Matan Ruak dehan ministru sira imi para imi-nia servisu lai, ha'u la'ós Ministru Saúde, ha'u Ministru Obras Publikas maibé ohin ita husik hela ita hakarak salva lai ita-nia povu sira ne'e”, hatete nia.

Aimoruk vasinasaun ne'e iha oin-rua, AstraZeneka no Sinovac, no atu dehan de'it ba inan-aman sira, joven sira katak antes Organizasaun Mundiál Saùde (OMS) aprova programa vasina ne'e sira mós halo teste klínika ne'ebé hatudu katak 72% nia hasa'e ema nia imunidade para konta Covid-19 ne'e.

"Agora nùmeru mate 119 ne'e 40 liu besik 50 mate Setembru ne'e tanba de'it varian Delta ne'ebé tama ona Timor. See ita-boot sira la vasina nia ataka iis boot sa'e, rán kafukan, rán la halai ita mate ona, entaun vasina ajuda ita bele kona-ba mais la hataka ita to'o gravé”, afirma nia.

Administradór postu Zumalai, Rui dos Santos hatete, prevensaun ba Moras Covid-19 ne'e la'ós akontese iha Timor-Leste de'it maibé ne'e ba mundu tomak. 

Tanba ne'e estadu, liuhusi Governu esforsu atu prevene no liberta povu Timor-Leste labele daet moras pandemia ne'e.

Maibé nu’udar Adminitradór postu hakarak apresia Governu liuhusi Ministru Obras Publika tanba bele tun direta ba Suku Husikai.

"Fatin ne'e, lamerese ministru atu tuun maibé ohin Timor ukun-an Ministru hakat mai iha Husikai, uluk Indonézia nian karik Ministru mai para iha Suai de'it, para iha Zumalai de'it mais ohin la’e, Ministru hakat mai to'o iha Husikai ne'ebé mak iha fronteira ho Ainaro ho ninia kondisaun ne'ebé mak ohin ami ultrapasa mai mós sente no haree kedas tanba ne'e hadomi povu, hadomi nia ema sira atu labele mate”, dehan nia. (*)

Rate this item
(0 votes)
Last modified on Friday, 08 October 2021 14:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter