"Ita iha ne'e membru Governu, Vise Ministru Saúde no Sekretáriu Estadu Kooperativa imi Ermera nia oan, imi boot na’in hira kedas, ita-boot tenke servisu maka’as mak ne'e, ita-boot sira nafatin fó boot sira-nia kontribuisaun”, dehan Taur iha Postu Administrativu Letefoho, segunda (11/10).
Hanesan membru Governu husi kada Munisípiu hamutuk ho líder Komunitariu sira tenke halo servisu maka’as liuhusi kampaña Vasinasaun atu nune'e sidadaun sira simu vasina kontra Covid-19 iha Timor-Leste.
"Ha'u mós hakarak agradese ba señór prezidente autoridade nia esforsu, aman liurai sira, aman administradór sira na'i xefe sira ketua ada sira, ketua joven sira, inan feton sira inklui profesionál saúde sira tanba sira esforsu atu sidadaun sira simu vasina kontra Covid-19”, afirma nia.
Dadaun ne'e Ministériu Saúde (MS) kria mekanizmu ida iha Munisípiu sira mak haruka pesoál saúde no líder komunitáriu sira hodi tama sai sidadaun sira atu simu vasina kontra Covid-19, atu ema hothotu saúde di'ak hodi kombate surtu ne'e rasik. (*)