Print this page

SEKoop Konvense Komunidade Atara Partisipa Kampaña Vasinasaun 

By October 11, 2021 688
Pesoál saúde vasina hela Komunidade ida iha momentu balun liuba. Pesoál saúde vasina hela Komunidade ida iha momentu balun liuba. Foto Suplay

Tempotimor (Ermera)-Sekretáriu Estadu Kooperativa (SEKoop) hahú halo kampaña Vasinasaun Kontra Covid-19 hodi konvense komunidade sira iha Suku Atara, Postu Administrativu Atsabe, Munisípiu Ermera atu partisipa vasinasaun.

Iha kampaña vasinasaun ne'e Sekretáriu Estadu Kooperativa (SEKoop), Elizáriu Ferreira, husu ba komunidade Atara labele fiar liafalsu sira maibé hakbesik-an ba sentru vasinasaun hodi simu vasina.

"Keta hanoin dehan ita simu vasina ne'e atu mate, laiha aman ida hola aimoruk hodi oho nia oan sira, se vasina mak mate karik ema iha mundu tomak ne'e mate hotu ona ne'e hela ita Timor ikus liu ne'ebé ita mate hotu se hanesan ne'e ha'u be vasina iha Abríl liuba ne'e mate tiha ona”, dehan Elizáriu Ferreira iha kampu Multifunsaun Suku Atara, segunda (11/10).

Tanba ema ne’ebé dehan simu vasina mate ne'e, maibé nia rasik simu ona vasina no hakarak lohi filafali povu hodi nune'e povu sira labele simu vasina.

"Para imi labele vasina, imi mate tiha, sira mak moris ba nafatin, ita labele rona liafalsu ne'e tanba funu ida ne'e ita Atara korban fatin oan ida ne'e ema hira mak la mate iha ne'e iha loron 16 fulan-Maiu 1998, ne'ebé ita tenke liberta ita-nia rain”, dehan nia.

Ba sidadaun sira ne’ebé hakarak halo movimentu ho livre hodi buka moris dalan úniku tenke liuhusi Vasinasaun kontra Covid-19.

"Tanba ne'e fó hatene ba ita-nia inan aman sira família viziñu sira atu halo movimentasaun ba no tenke simu vasina hodi halo imi-nia negósiu ho livre”, afirma nia

Pesoál Saúde iha Suku Atara, Domingas Goncalve hatete, sidadaun sira iha terenu mekanizmu ne'ebé sira hala'o mak fó uluk sosializasaun kona-ba vasina.

"Ami iha ne'e antes ba halo Vasinasaun ami tenke halo uluk sosializasaun ba ita-nia komunidade sira atu sira simu vasina”, dehan nia.

Impaktu ba komunidade la simu vasina tanba menus informasaun iha terenu nune'e komunidade sira labele konsumu di'ak informasaun ne'ebé loos hodi hakbesik-an vasina. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items