"Se ita la vasina ita-nia dezenvolvimentu oioin sira sei la mai, ema ne'ebé atu halo dezenvolvimentu iha ita-nia suku mós ta'uk mak mai hetan tan moras, se ita halo uma ba kbi’it la’ek sira, ita atu renova ita-nia sede suku, ita atu halo atividade dezenvolvimentu iha nível suku sira, ita labele atividade kooperativa sira, ita labele hasoru malu, se ita labele hasoru siknifika atividade ne'e mate”, dehan Elizário Ferreira bainhira halo kampaña vasinasaun iha Aldeia Riamori, Suku Haupu, Postu Administrativu Letefoho, Munisípiu Ermera, kuarta (13/10).
Tanba Vasina nu'udar última rekursu ne'ebé mak lori sidadaun atu bele fila ba normalidade hodi hala’o atividade.
Nune'e komunidade labele tauk simu vasina tanba fó rezisténsia atu halo koneksaun ho ema seluk hodi filafali ba vida normál ne'e.
Xefe Suku Haupu, Eugebio Alcino Maia Martins hatete, durante ne'e sidadun barak mak la simu vasina tanba rona barak informasaun falsu iha mídia sosiál sira.
“Tanba saida mak vasina iha ne'e sei menus tanba ita-nia komunidade iha ne'e haree iha televizaun sira, mak ema simu vasina kona struk, rán sai husi nia inus, no mate kedas iha fatin, tanba ida ne'e mak ita-nia komunidade sira labesik kedas vasina sira ne'e”, dehan nia. (*)