Login to your account

Username *
Password *
Remember Me

Governu Agradese Populasaun Manusae Pursentu 64 Hahú Simu Vasina

Komunidade sira forma hela hodi simu vasina kontra Covid-19 iha Postu Hatulia, Munisípiu Ermera. Komunidade sira forma hela hodi simu vasina kontra Covid-19 iha Postu Hatulia, Munisípiu Ermera. Foto Tempo Timor

Tempotimor (Manusar)-Governu liuhusi Sekretáriu Estadu Kooperativa (SECoop), Elizário Ferreira, agradese populasaun sira iha Suku Manusae, Postu Administrativu Hatulia, Munisípiu Ermera, tanba simu ona vasina atinje pursentu neennulu-resin-haat (64%).

"Ha'u fó parabéns ba imi, basa liman ba imi-nia an, no basa liman ba xefe suku nomós ba pesoál saúde sira ne'ebé akompaña imi, tanba husi suku 10 ne'ebé ami tama ne'e foin Manusae mak iha pursentu ne'ebé di'ak ne'e hatudu katak progressu di'ak no kooperasaun di'ak”, dehan Elizário Ferreira iha Suku Manusae, kinta (15/10).

Maibé kontinua fó hanoin ba inan aman sira atu labele fiar boatus no informasaun falsu sira ne'ebé lansa iha mídia Sosiál sira.

SEKoop mós kontinua enkoraza komunidade sira ne'ebé seidauk simu vasina atu hakat ba sentru vasinasaun hodi simu vasina.

Xefe Suku Manusae, Aurelianu Martins informa, populasaun barak mak simu vasina tanba iha kooperasaun ne'ebé di'ak.

"Iha ne'e simu vasina barak ona, hanesan ohin sira fó sai katak pursentu ne'e boot, iha balun seidauk simu vasina tanba rona lia falsu husi ema sira iha li'ur ne'ebá maibé ami fó hatene katak lialoos mak enfermeiru sira ko'alia no Governu ko'alia ne'e sira seluk ne'e bosok”, dehan nia.

Populasaun iha Suku Manusae hamutuk iha Aldeia lima (5) ho populasaun 5.000 resin, kuaze barak hahú simu ona vasina. (*)

Rate this item
(2 votes)
Last modified on Friday, 15 October 2021 14:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter