MAPKomS 'Lakohi' Aileuoan Enfrenta Pandemia Covid-19

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, akompaña hela komunidade simu vasina iha Aldeia Laklo, suku Liurai, Postu Administrativu Aileu vila, Munisípiu Aileu, sábadu (16/10). Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, akompaña hela komunidade simu vasina iha Aldeia Laklo, suku Liurai, Postu Administrativu Aileu vila, Munisípiu Aileu, sábadu (16/10). Foto Suplay

Tempotimor (Aileu)-Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo, deside kontinua halo kampaña vasinasaun ba komunidade Munisípiu Aileu tanba lakohi sira enfrenta moras pandemia covid-19 ne'ebé dadauk afeta ba mundu tomak.

Tanba ne'e, Ministru, Francisco Martins da Costa Pereira Jerónimo, akompaña husi adjuntu administradór Munisipiu Aileu, Felis Maria Oliveira ho ekipa saúde iha sábadu (16/10), halo kampaña vasinasaun kontra Covid-19 iha Aldeia Hatulai, Suku Hoholau no Aldeia Laklo, Suku Liurai, Postu Administrativu Aileu Vila, Munisípiu Aileu, hodi motiva komunidade sira atu hasa'e taxa vasinasaun.

"Moras covid19 ne’e hanesan peste ida ne’ebé mak enfrenta mundu tomak e ema barak mak mate, inklui nasaun dezenvolvidu sira ne’ebé mak ema doutór matenek barak maibé sira mós la konsege salva sira nia ema. Ita-nia Governu Timor-Leste lakohi ninia povu atu enfrenta moras ida ne'e”, dehan nia iha Aldeia Laklo, suku Liurai, Postu Administrativu Aileu vila, Munisípiu Aileu, sábadu (16/10).

Dadauk Governu halo buat barak hodi salva guarda nia povu tomak, no hakarak povu livre husi peste ida ne'e, tanba ne'e mak dalan di’ak liu mak sira tenke hakbesik-an ba sentru saúde sira hodi simu vasina 

Husu mós  inan-aman sira ne’ebé mak idade avansadu ona atu hakbesik-an ba simu vasina, hodi aumenta sira nia imunidade no forsa.

Ho prezensa Governu iha kampaña vasinasaun ida ne'e atu lori informasaun ne’ebé los ba komunidade sira kona-bá vasinasaun Covid19 nian, no labelei fiar ho informasaun falsu ne’ebé mak espailla iha mídia sosiál.

"Vasina ne’e importante tebes Laos de’it ba inan-aman sira maibé mós ba ita sira foin-sa’e hodi nune’e ita bele livre Lao ba mai, livre halo atividade sira no ita bele ona halo dezenvolvimentu, vasina ne’e la’ós iha de’it Timor maibé vasina ne’e halo iha mundu tomak”, afirma l nia.

Iha okaziaun ne’e, Ministru Asuntu Parlamentár no Komunikasaun Sosiál, mós inaugura ba Sentru Saúde iha aldeia Hatulai, Suku Hoholau, Munisípiu Aileu. Sentru saúde ne’e atu fasilita komunidade sira hodi bele halo tratamentu besik liu.

Enkuantu Marka prezensa iha kampaña vasinasaun ne’e, adjuntu Administradór Munisipiu Aileu, Diretór DNDI-MAPKOMS, Diretór Saúde Munisípiu Aileu, líder komunitáriu, pesoál saúde nomós komunidade sira. (*)

Rate this item
(0 votes)
Last modified on Sunday, 17 October 2021 11:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter