Login to your account

Username *
Password *
Remember Me

UNICEF Apoiu Jeleira Haat Asegura Vasina Pfizer iha SAMES

Reprezentativu UNICEF Timor-Leste, Bilal Durrani entrega simbolikamente frigorífiku (jeleira) ho temperatura ultra-malirin ba Ministra Saúde, Odete Maria Freitas Belo, iha Kampung Alor, SAMES, segunda (18/10). Reprezentativu UNICEF Timor-Leste, Bilal Durrani entrega simbolikamente frigorífiku (jeleira) ho temperatura ultra-malirin ba Ministra Saúde, Odete Maria Freitas Belo, iha Kampung Alor, SAMES, segunda (18/10). Foto Tempo Timor

Tempotimor (Dili)-Fundu Nasaun Unidas ba Labarik (UNICEF) apoiu tan frigorifiku (jeleira) 4 ho temperatura ultra-malirin atinje grau selsiu negativu 86(-86°), atu asegura vasina pfizer 100.620 ne'ebé Estadu Unidus Amérika kontribui ba Timor-Leste liuhusi Ministériu Saúde iha Servisu Autonomo Atendementu Saúde (SAMES).

Ministra Saúde (MS), Odete Maria Freitas Belo, haktuir,  UNICEF apoia ona Ministériu Saúde ho SAMES ba nia instalasaun, manutensaun hodi atualiza sistema armazenamentu korenti malirin no sistema distribuisaun tinan barak ona hodi armazena no distribui vasina Covid-19 rutina la ho interupsaun.

"Frigorifiku sira sei ajuda ita armazena ho seguru vasina Pfizer BioNTch sira ho temperatura lolos, no permite ita atu implementa kampaña vasinasaun ba labarik sira tinan 12 to’o 18 mai kraik”, dehan Ministra Odete iha SAMES Kampung Alor, segunda (18/10).

UNICEF servisu hamutuk ho minsitériu saúde, SAMES no fábrika atu garante katak país ne’e prontu hodi simu vasina Pfizer BionTech no UNICEF mós apoia ona SAMES hodi instala no monitoriza nia temperatura loron ida dala-tolu hodi haree nia funsionamentu, no apoia formasaun tekniku sira, tékniku ekipamentu biomedikál sira, staff ba operasaun, monitoriza no manutensaun sistema.

Reprezentativu UNICEF Timor-Leste, Bilal Durrani hatete, armazena no transporta vasina sira ho temperatura lolos mak fundamentál atu salva labarik no adultu sira husi moras potensialmente fatál.

"UNICEF orgullu hodi apoia Timor-Leste tinan hirak ne’e, liuhusi instalasaun sistema korenti-malirin iha país ne’e ba imunizasaun rutina no mós ba vasinasaun Covid-19”,, informa nia.

Enkuantu jeleira temperatura ultra-malirin ne'ebé entrega husi UNICEF ho fundu husi COVAX Facility.

Nune'e UNICEF mós sei hola tan frigorífikun temperatura ultra-malirin adisionál 16 ba Minsitériu Saúde, ho fundu husi Governu Austrália no frigorífiku sira ne’e sei instala iha armazen rejionál sira, atu permite Governu armazena vasina sira. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter