Austrália Apoiu Karreta 21 Reforsa Servisu MS iha Munisípiu

Reprezentativu UNICEF iha Timor-Leste, Bilal Durrani, (klaran) simbolikamente entrega karreta hamutuk unidade 21 ba Vise Ministru Saúde, Bonifácio Mau Coli dos Reis, akompaña husi Embaixadór  Australia, Peter Roberts, iha Palásiu Sinzas, Kaikoli, tersa (19/10). Reprezentativu UNICEF iha Timor-Leste, Bilal Durrani, (klaran) simbolikamente entrega karreta hamutuk unidade 21 ba Vise Ministru Saúde, Bonifácio Mau Coli dos Reis, akompaña husi Embaixadór Australia, Peter Roberts, iha Palásiu Sinzas, Kaikoli, tersa (19/10). Foto Suplay

Tempotimor (Dili)-Governu Austrália Department of Foreign Affairs and Trade (DFAT) liuhusi Fundu Nasaun Unida ba Labarik (UNICEF) entrega karreta hamutuk 21 ba Ministériu Saúde (MS) atu resforsa hodi mellora servisu saúde iha munisípiu sira.

"Karreta sira mak entrega ohin loron sosa uza fundu husi DFAT, inklui Toyota Hilux 13 hodi apoia imunizasaun no maternidade, bebé foin moris no programa saúde labarik, ba munisípiu 13", dehan Reprezentativu UNICEF, Bilal Durrani iha Palásiu Sinzas Kaikoli, tersa (19/10).

Enkuantu karreta 18 sei uza ba apoia monitorizasaun, supervizaun ba imunizasaun, Maternidade, bebé foin moris, programa saúde infantil no distribuisaun produtu sira relasiona ho saúde husi nível munisípiu ba sentru saúde primaria sira.

Karreta Toyota Hilux 2 ba program imunizasaun sira iha nasionál, SAMES no Toyota Hilux 1 ho kaixa ferramentu ba Departamentu Biomedikal nível nasionál, hodi apoia vasina no distribuisaun produtu sira relasiona ho saúde, formasaun, supervizaun no monitorizasaun.

Karreta Truk Box Mitsubitshi 5 hodi apoia armazen servisu saúde rejional kona-ba distribuisaun produtu farmaseutiku husi servisu saúde Munisipál ba fasilidade sentru saúde sira.

“Provizaun infraestrutura mak iha ne’e kritiku tebes, espesialmente agora, desde Ministériu Saúde halo hela esforsu atu atinje ema barauk ho vasinasaun Covid-19”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter