Kazu Covid-19 Foun iha Dili Sa'e ba 14, Ativu 86

Kazu Covid-19 iha Timor-Leste. Kazu Covid-19 iha Timor-Leste. Foto Tempo Timor

Tempotimor (Dili)-Sentru Integradu Jestaun ba Krize (SIJK) rejista ho kazu Covid-19 foun iha Díli hamutuk na'in-14 no kazu ativu hamutuk 86.

"Kazu detetatu ne’ebé relata ohin, 20 Outubru 2021 foun 16 (iha Dili 14 ho munisípiu seluk 2), mane 12, feto 4 no kazu ativu 86", dehan Koordenadór Forsa-Tarefa Mitigasaun ba Prevensaun Surtu Covid-19 iha Timor-Leste, Rui Maria de Araújo liuhusi komunikadu imprensa, kuarta (20/10).

Husi totál kazu detetadu foun ho idade 20 na'in-3, ho idade entre 12-59 na'in-13, kazu rekuperadu 3 no totál kazu konfirmadu kumulativu iha 20 Outubru 2021 (sura husi 21 Marsu 2020) hamutuk 19.746.

Hahú horiseik mai ohin, hamutuk hotu Laboratóriu Nasionál Saúde (LNS) halo 231 testes PCR iha Dili, ho detalla hanesan Vijilánsia sentinela 0, Rastreiu ba kontaktu (Contact tracing) 1, Rastreiu Aleatóriu (Random Screening) 32, Viajen internasionál 192 no Follow up iha quarentena 6.

Rezultadu testes PCR ne’ebé halo horiseik iha munisípiu sira seluk ,REAOA ho HNGV, hamutuk 218, ho detalla hanesan Baukau 51, Ermera 0, Bobonato-Maliana 9, Ainaro-Maubisse 6, RAEOA 5, Covalima-Suai 43, Vikeké 13, Lautein-Lospalos 2, HNGV 81, Vera Cruz 5.

Enkuantu totál teste PCR iha oras 24 ikus hamutuk 449. Ida ne’e hatudu taxa pozitividade pursentu 3,5 (iha semana kotuk,13 Outubru, taxa pozitividade pursentu 2,3. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter