"Ita-nia planu lansamentu iha tuku tolu lokraik, maibé iha dader ita iha eskola neen (6) ne'ebé mak prontu ona atu vasina ba labarik sira husi idade 12-menus 18 anos, ne'ebé ita nia vsina ohin la'o di'ak hela”, dehan Agostinha Segurado iha Eskola Paulo VI, kuarta (27/10).
Eskola sira ne'ebé mak nia estudante simu vasina Pfizer mak hanesan eskola Paulo VI, Eskola Nu Laran, Eskola Sentru Shallom, Eskola 4 Setembru Unamet Díli. Inklui Nobel da Paz maibé kanseladu tanba iha Miss Communication entaun muda fali ba loron kinta (28/10) dader, tanba de'it inan aman la akompaña entaun adia fali.
Tuir, alvo husi eskola neen (6) ne'ebé prepara estudante hamutuk 1.551 mak prontu ona simu vasina Pfizer.
Estudante husi Eskola 4 Setembru UNAMET, Vera Cruz Díli hamutuk (350), Eskola Nu'u Laran, (84) Paulo VI, Nain Feto (300), Nobel da Paz Nain Feto 300 (Cancelado), Eskola Sentru Shallom (64) no esninu Rekorrente (53) no parte lokraik iha lansamemtu Vasina Pfizer estudante husi Eskola 30 Agostu hamutuk 400 no totál 1.551 mak prontu simu vasina iha ámbitu lansamentu ba vasina Pfizer.
Aleinde ne'e Diretór Eskola 4 Setembru UNAMET Díli, Sergio Alfredo da Cruz hatete, estudante balun simu ona vasina Prizer maibé sei kontinua esforsu to'o estudante sira simu hotu vasina.
"Ohin estudante sira simu vasina ona maibé ami kontinua esforsu atu ami nia estudante sira ne'e simu vasina”, dehan nia.
Iha estudante balun ne'ebé mak iha uma inan aman orienta ona atu nia oan (estudante) sira simu vasina tanba vasina atu aumenta imunidade hodi kontra Covid-19 no Delta ne'ebé da'et iha Timor-Leste. (*)