"Vasina ne'ebé mak ita ba foti iha SAMES nasionál ne'e hamutuk rihun sanolu, lima nolu (10.050) dozes mak ita lori mai iha ita nia Munisípiu", dehan Responsavel ba promosaun Saúde Munisípiu Baukau, Abrão Freitas Pinto, sesta (03/12).
Nune’e, dadaun kada sentru saúde sira iha Munisípiu Baukau hahú fali ona vasina ba komunidade sira ba doze dahuluk no daruak, tanba ne'e husu ba komunidade tenke hein semana-4 to'o 8, tanba parte saúde hahú halo mudansa ba vasina intervalu ho objetivu atu poupa vasina ne’ebé sei oferse ba komunaidade vial-1 ba ema na'in-5.
"Vasina ne'ebé mak agora ita simu horseik komesa, vasina nia data expire fulan-abril mak foin expire, entaun fó espasu luan mai ita para uza aimoruk ne'e ba ita nia komunidade sira", dehan Abrão
Tanba ne'e, distribui ona ba sentru saúde sira no sei falta Postu Administrativu Baguia, tanba distansia dook, maibé tuir planu sei distribu iha semana ne'e nia laran.
Husu mós ba komunidade hotu iha Munisípiu Baukau atu iha konsensia hakat ba sentru saúde sira hodi simu vasina, tanba tuir informasaun varienate foun dadaun ne’e afeta ona nasaun balun.
Entertatu, tuir dadus ne’ebé parte saúde relata, vasina AstraZeneka expire ona iha Munisípiu Baukau husi fulan-outubru to'o fulan-novembru tinan 2021 hamutuk doze 5.300. (*)
