Items filtered by date: Wednesday, 18 August 2021

Tempotimor (Dili)-Governu liuhusi Konsellu Ministru (KM) delibera ona hodi propoin ba Prezidente Repúblika (PR), Francisco Guterres ‘Lú Olo’ atu renova Estadu Emerjénsia (EE) ba dala-17 .

Tempotimor (Dili)-Governu liuhusi Ministériu Turízmu Komérsiu no Indústria (MTKI) dadaun ne'e hahú halo ona prosesu aprovizionamentu hodi reabilitasaun ba fatin turízmu sira iha Cristo Rei.

Tempotimor (Dili)-Reprezentante Organizasaun Mundiál Saúde (OMS) iha Timor-Leste (TL), Arvind Mathur husu Ministériu Saúde (MS) no Autoridade Munisípiu Dili atu servisu maka’as liután, hodi hasa’e taxa partisipasaun komunidade iha programa vasina Nasionál atubele atinje pursentu atusida (100%).

Tempotimor (Dili)-Ministra Saúde (MS), Odete Maria Freitas Belo, defende m’ediku sira sempre fó antensaun ba pasiénte hotu, no lafiar rumoris ne'ebé lansa iha públiku kona-ba médiku sira dala-barak preukupa pasiénte ho sintoma Covid-19.

Tempotimor (Díli)- Governu liuhusi Konsellu Ministrus (KM) deside kontinua mantein konfinamentu domisilláriu jerál ba populasaun iha Postu Administrativu Ermera no Postu Administrativu Railaku, Munisipiu Ermera nian, to'o tuku 23:59, husi loron 25 fulan-agostu.

Ministru Prezidensia Konsellu Ministru, Fidelis Leite Magalhães hatete, postu administrativu seluk aplika de'it serka Sanitária maibé iha postu Administrativu Eremra no Railaku mak aplika Komfinamentu Obrigatóriu Domisialiáriu.

“Konsellu Ministru deside ona iha semana kotuk, sei mantém impozisaun serka sanitária iha Postu Administrativu sira seluk iha Munisíplu Ermera, to'o tuku 23:59 husi loron 26 fulan-agostu nomós mantein konfinamentu domisilláriu jerál ba populasaun husi Postu Administrativu Ermera no Postu Administrativu Railaku, iha Munisípiu Ermera nian, to'o tuku 23:59, husi loron 25 fulan-agostu”, dehan Fidelis iha Palásiu Governu, kurta (18/08).

Nune'e iha suku rua iha Postu Administrativu Pante Makasar no Oesito, Rejlaun Administrativa Espesiál Oekuse Ambeno nafatin aplikasaun Serka Sanitária.

“Mantein impozisaun serka sanitária ita área abranjida sira iha suku Naimeko, iha Postu Administrativu Pante Makasar, no husi Suku Bobometo, iha Postu Administrativu Oesito, postu administrativu rua ne'e iha Rejlaun Administrativa Espesiál Oekuse Ambeno, to’o tuku 23:59 loron 30 fulan-agostu tinan 2021”, informa nia.

Aliende ne’e, serka sanitária iha Munisipiu Dili no Postu Administrativu Ermera no Postu Administrativu Railaku, Munisípiu Ermera nian, kontinua to'o tuku 23:59 loron 30 fulan-agostu tinan 2021.

Nune'e bandu sirkulasaun ema sira-nian entre área ka munisípiu sira ne'ebé temi ona no sirkunskrisaun administrativa sira-seluk, exetu iha kazu hirak ne'ebé ninia fundamentu sira forte tanba razaun seguransa públika, saúde públika, asistensia umanitária, manutensaun ba sistema abastesimentu publiku ka razaun seluk ne'ebé presiza atu hala'o ba interese públiku nian.

Maibé la inklui iha proibisaun sirkulasaun ida-ne'e individuu sira ne'ebé komprova vasinasaun kompleta (doze rua) kontra Covid-19, nomós labarik sira ho idade tinan 6 mai kraik ne'ebé akompaña individuu sira ne'e. (*)

Tempotimor (Dili)-Reprezentante povu iha Parlamentu Nasionál (PN), deputada Maria Angelica Rangel deklara, ezekusaun ba fundu Covid-19, presiza haree mak kualidade no labele haree ba persentajen, tanba persentajen sa'e maka’as kuandu laiha kualidade ne'e hanesan de'it.

Tempotimor (Dili)-Prezidente Autoridade Munisipál Dili sesante, Gaspar Soares hatete, sira hamutuk ho komponente hotu prontu apoiu servisu Ministériu saúde (MS) hodi halo kampaña Programa Nasionál Vasinasaun ba komunidade sira.

Tempotimor (Dili)-Parlamentu Nasionál (PN) liuhusi Komisaun B ne'ebé trata asuntu defeza no seguransa prefere Governu hadi’a dekretu-lei kódigu estrada ne’ebé bandu labele tula labarik ho motorizada, tanba lakondis ho situasaun atual povu Timor-Leste nian.

Tempotimor (Díli)-Polísia Nasionál Timor-Leste (PNTL) liuhusi operasaun konjuntu Unidade Espesial Batallaun Orden Publika (BOP) no  Kompaña  Operasaun Espesial (COE) kaptura tan membru Grupu Arte Marsiál (GAM) husi Persaudaraan Setia Hati Terate (PSHT) na’in-haat (4) iha fronteira.

Tempotimor (Dili)-Membru Komité Sentrál Fretilin (CCF), José Augostinho Sequeira ‘Somotxo’, hamutuk ho Rui Maria de Araújo, sei hamosu pakote ida hodi avansa hanesan Prezidente Partidu no Sekretáriu Jerál iha Kongresu Nasionál partidu Fretilin.