Tempotimor (Dili)-Koordenadór Forsas-Tarefas ba Prevensaun no Motigasaun Surtu Kovid-19, Rui Maria de Aroujo deklara, Kazu Covid-19 foun 87, kazu rekuperadu 163 no mate na'in-1 iha izolamentu.

"Kazu detetatu foun ne’ebé relata ohin, 17 Setembru 2021 foun 87 (iha Dili 40, Baucau 16, RAEOA 15 ho munisípiu seluk hamutuk 16), mane 55, feto 32, kazu rekuperadu 163 no totál óbitu na'in 1", dehan nia liuhusi komunikadu imprensa, sesta (17/09).

Husi totál kazu detetadu foun ho idade 20 na'in-19 (21,8%), ho idade 12-59 na'in-64 (73,5%) ho idade 60 na'in-4, kazu ativu 1.918 no totál kazu konfirmadu kumulativu iha 17 Setembru 2021 (sura husi 21 Marsu 2020) hamutuk 18.943.   

Enkuantu totál óbitu ne’ebé relata na'in-1 (ida), mane ho idade 76, hela iha Dili, seiduak vasina, iha 14    Setembru 2021, diagnóstikadu  ho sindroma insufisiénsia respiratória aguda (SIRA) tanba Covid-19 iha HNGV.

Matebian sofre mós moras diabete. Matebian iis-kotu tuku 08h45 iha Vera Cruz no família kolabora ho ekipa saúde,    hodi hala’o funeral tuir protokolu ne’ebé  adopta iha Timor-Leste.   

Hahú husi loron 16 to’o 17 hamutuk hotu Laboratóriu Nasionál Saúde (LNS) halo 248 testes PCR iha Dili, ho detala hanesan vijilánsia sentinela 7, rastreiu ba kontaktu (contact tracing) 39, rastreiu Aleatóriu (random screening) 37, viajen sai husi serka sanitária Munisípiu Dili 119, Viajen internasionál 26 no follow up iha kuarentena 20.

Rezultadu testes PCR ne’ebé halo iha loron 16 Setembru, iha munisípiu sira seluk REAOA ho HNGV, hamutuk 358 ho  detalla hanesan Baukau 78,Ermera 4, Maliana 33, Maubisse 19, RAEOA 7, Covalima-Suai 45, Vikeké 9, Lautein-Lospalos 55 no HNGV 108. (*)

Tempotimor (Dili)-Xefe Aldeia 03, suku Fatuhada, Postu Administrativu Nain Feto, Zeferino Bras, husu ba Ministéiru Saúde (MS) atu ajuda fahe muskitéiru ba vítima Inséndiu iha eis merkadu Komoro.

Tempotimor (Dili)-Vise Ministru Saúde (MS), Bonifacio Maucoli dos Reis hatete, Primeiru Ministru (PM), Taur Matan Ruak, ezije ba Minitériu Saúde (MS) atu aselera vasina hodi bele deklara Timor-Leste (TL) livre husi surtu Covid-19.

Tempotimor (Dili)-Maski Timor-Leste rejista ona ema na’in 10 mate iha izolamentu hafoin hetan infesaun husi Covid-19, maibé husi totál óbitu ne’e na’in ida mak mate tanba Covid-19, restu saidauk iha jutifikasaun klaru.

Tempotimor (Dili)-Kazu Pozitivu Covid-19 Kada loron kontinua nafatin sa'e, Timor-Leste (TL) liuhusi Sentru Integradu Jestaun ba Krize (SIJK) rejistu ona kazu hamutuk 4458

Tempotimor (Dili) - Preokupasaun públiku nian kona-ba pasiente Covid-19 ne'ebé sempre mosu de'it iha tempu ne'ebé Estadu Emerjénsia atu hotu, maibé governu rejeita Covid-19 iha TL nu'udar kriasaun polítika.

Vise-Ministru Saúde (MS), Bonifácio Maucoli hateten, Covid-19 mosu iha TL la'ós governu mak politiza, maibé realidade iha duni kazu.

"Ema nia interpretasaun ne'e katak polítikamente, maibé realidade hanesan ne'e duni, ita hatene nasaun viziñu Indonézia de'it agora iha 349 kazu pozitivu, entaun ita hakarak husik de'it?" dehan nia, iha Parlamentu Nasionál (PN), Sesta (2/10).

Governante afirma, kazu ne'ebé Timor-Leste iha ne'e la'ós tranzmisaun lokál, maibé kazu importadu.

"Kazu sira ne'e mós afeta de'it ba joven sira ne'ebé sira-nia rezisténsia ne'e mos makaas, entaun durante ne'e ita izola no trata sira, ikus mai sira rekupera", katak nia.

Vise-MS ne'e mós afirma, kazu ne'e la'ós politiza tanba estadu emerjénsia atu hotu ona entaun halo ida ne'e, maibé la'ós, tanba ema ne'ebé servisu saúde ne'e tékniku, la'ós polítika.

Entretantu, sidadaun ne'ebé dadun ne'e pozitivu no iha sala izolamentu Vera Cruz ne'e nia kondisaun di'ak ona.

Alende ne'e, dadus ne'ebé www.tempotimor.com asesu iha pájina facebook Palásiu de Sinzas Ministériu Saúde nian, iha Tersa (1/10), ema ne'ebé halo ona teste hamutuk 8.073, rezultadu teste negativu hamutuk 7.702, sei hein rezultadu teste 343, iha sala izolamentu na'in ida, kazu konfirmadu na'in 28 no rekuperadu na'in 27. (*)  

Tempotimor (Dili)-Vise Ministru Saúde Bonifacio Maucoli garante katak iha tempu badak nia laran ambulansia ne’ebé Ministériu Saúde (MS) sosa sei distribui ba munisipiu 12 no mós Rejiaun Administrativu Espesial Oekusse-Ambeno.

Tempotimor (Dili)-Deputada Bankada CNRT Virgina Ana Belo konsidera Ministériu Saúde halimar ho ema nia saúde tanba hafoin deklara ema ida pozitivu Covid-19, maibé ikus mai dehan fali katak pasiente refere negativu ona.

Tempotimor (Dili) - Relasiona deklarasaun pesoál saúde hodi ejize ba Ministériu Saúde (MS) kona-ba subsídiu renumeratóriu ne'ebé sira simu ba loron 38, maibé la diskonta loron 22 la selu. Ne'e duni, Ministra Saúde (MS), Odete Maria Freitas Belo, husu atu aprezenta karta formál.

Tempotimor (Dili) - Ministériu Saúde (MS) rekoñese fasilidade iha Ospitál Nasionál Guido Valadares (HNGV) sei menus, tanba ne'e sei iha pasiente balun kontinua toba iha rai.

Page 1 of 3
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter