Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu rekuperadu iha loron sábadu (11/09) Covid-19 foun 222 no mate na'in-2 iha izolamentu.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, pasiénte Covid-19 na'in-15 gravé iha izolamentu no Munisípiu 2 (Dili, Baukau) kontinua rejistu insidénsia Covid-19 as.

Tempotimor (Díli)-Governu liuhusi Konsellu Ministru (KM) deside hodi sulan nafatin sidadaun sira ne'ebé simu ona vasina dalarua atu labele movimentu iha implementasaun Konfinamentu Obrigatóriu, tanba simu rekomendasaun no aprezentasaun husi Organizasaun Mundiál Saúde (OMS) no Sentru integradu Jestaun ba Krize (SIJK).

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, dadus ba loron 03 fulan-setembru tinan 2021 númeru kazu Covid-19 hahú menus, mate laiha no kazu foun iha 196.

Tempotimor (Dili)-Bankada Uniaun Demokrátiku Timorense (UDT), Francisco David Xavier Carlos, dúvida ho deklarasaun Ministériu Saúde (MS) tanba laiha fasilidade maibé fó sai katak kazu variante delta mosu ona iha Timor-Leste.

Tempotimor (Dili)-Xefe Bankada FRETILIN iha Parlamentu Nasionál (PN), Francisco Miranda Branco, husu Governu atu prepara kondisaun lojísta hodi fasilita ai-han ba povu, durante aplika regra Konfinamentu Domesiliáriu Jerál no Obrigatóriu iha teritóriu nasionál.

Tempotimor (Dili)- Prezidente Parlamentu Nasionál (PN), Aniceto Longuinhos Guterres Lopes, preokupa ho númeru pozitivu covid-19 ne'ebé kontinua aumenta iha Timor-Leste, maibé Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, husu atu komunidade sira kumpri nafatin regra prevensaun.

"Ohin loron saúde públika sai preokupasaun boot tebes ba ita hotu no ba Estadu Timor-Leste, liliu tanba númeru kazus COVID-19 no ninia variante aumenta ba bei-beik”, dehan Aniceto Guterres, iha komemorasaun loron FALINTIL ba dala-46 iha Kuartel Jenerál, Fatuhada, sesta (20/08).

Tanba ne'e apela ba kompatriota sira, ba sidadaun timoroan no estranjeiru sira iha Timor-Leste, atu kumpre regra sanitárias prevensaun nian hanesan uza máskara, fase liman ho sabaun no distánsiamentu sosiál, atu nune'e salva ida-idak nia-an, nomós salva ema seluk.

Ba pasiénte Covid-19 iha Timor-Leste, tenke kolabora ho pesoál saúde no pesoál seluk iha liña frente hodi salva Timor-Leste husi moras Covid-19.

Maibé, Kay Rala Xanana Gusmão hatete, nia parte difísil atu dehan covid-19 ejiste iha Timor-Leste ka la'e, maibé husu nafatin ba komunidade atu uza máskara, atu-nune'e evita-an, husi Covid-19 ne'e mosu duni iha rai laran.

“Covid ita labele dehan katak laiha, iha Timor ha’u mós susar atu fiar katak iha, maibé maluk sira uza máskara ba, hanorin oan sira, imi joven sira malandru sira ne'e uza máskara ba, para evita, mosu karik”, dehan Xanana.

Tanba kazu covid-19 ne'e la'ós palodizmu, ne'ebé babain hetan, maibé ne'e mai husi liur, tanba tenke uza máskara, nune'e moras peste ne'e tama karik labele da’et ba ema.

“Covid nia problema mak ne'e, ohin ha’u hakoak tiha xefe aldeia, ha’u iha Covid, ko’alia tama husi ama nia inus, no nia pulmaun mós iha hotu, nia fila ba uma, nia hakoak nia laen, nia ko’alia buat ne'e pasa ba iha nia la’en, nia la’en ba ko’alia fali ho nia kolega sira, pasa ba kolega sira, ida ne'e mak problema boot Covid iha mundu”, esplika Xanana.

Ne'e duni atu fiar ka la fiar, hothotu tenke proteze-an nafatin hodi labele hetan, tanba ida ne'e nu’udar problema boot ne'ebé konsege hamate ona ema (tuju-juta orang) iha mundu, tanba lahatene prevene. (*)

Tempotimor (Dili)-Diretór Servisu Saúde iha Munisípiu Ermera, António de Deus Fátima deklara, ekipa saúde sira deteta ona sidadaun na'in-12 iha Munisípiu Emera afeta ona Variante Delta, maibé seidauk iha transmisaun ba komunidade sira.

Tempotimor (Dili)-Ministra Saúde (MS), Odete Maria Freitas Belo, deklara ofisialmente Variante Delta Covid-19 da'et ona ema na'in 4 Timor-Leste (TL).

"Aproveita Komunikadu Imprénsa ohin, atu informa ba públiku katak, rezultadu sekuensiasaun genómika husi amostra 300 ne’ebé Laboratóriu Nasional Saúde haruka iha dia 14 de Jullu de 2021 ba Peter’s Doherti Institute iha Melbourne, Australia, ho pedidu atu halo tes urjenti ba amostra balun, hadutu katak, amostra husi ema na'in 4 ne’ebé tama husi Indonézia iha dia 26 de Juñu ho dia 8 de Jullu, iha lineajen B.1.617.2 (Delta), variante ne’ebé preokupante, ka ‘’variant of concern’’,informa Ministra Odete, liuhusi Konferénsia Imprénsa iha Centro Convenções de Dili, sesta (23/07).

Maibé, sira na'in 4 ne’e iha hotu ona fatin kuarentena no izolamentu, 1 negativu ona, no fila ona ba uma, na'in 3 sei nafatin sei iha izolamentu.

Maske nune'e, to’o oras ne'e seidauk iha evidénsia katak Variante Delta ne’e, hada’et ona iha komunidade.

Tanba ne'e, atu evita moras ne'e husi TL, husu ba populasaun sira hotu atu partisipa iha programasaun nasional vasinasaun Covid-19.(*)