Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 iha Timor-Leste hahú menus tanbe rejista foun 89 no kazu rekuperadu 254.

Tempotimor (Dili)-Sentru Integradu Jestaun ba Krize (SIJK) rejistu tan timoroan mate ho Covid19 hamutuk na'in-3 no kazu ativu iha 4.554.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun iha loron 28 fulan-agustu tinan 2021 hamutuk 276 no mate na'in-1.

"Kazu detetatu foun ne’ebé relata ohin, loron 28 Agostu 2021 na'in-276 (iha Dili 197, Baukau 30, Covalima 10 ho munisípiu seluk hamutuk 39) mane 146, feto 130.Totál óbitu na'in-1", dehan nia liuhusi komunikadu imprensa, sábadu (28/08).

Husi totál kazu detetadu foun hirak ho idade tinan 20 na'in-50 (18%) ho idade entre tinan 12-59 na'in-217 (78,6%) ho idade 60 na'in-9, 1123 kazu ka 44,5% mak sintomátiku (hatudu sintomas), 102 (37%) iha ona vasina kompletu 49 (18%) hetan ona vasina doze dahuluk, kazu rekuperadu 125, kazu ativu 4.523 no totál kazu konfirmadu kumulativu iha 28 Agostu 2021 (sura husi 21 Marsu 2020) hamutuk 16.236.

Entretantu óbitu ne’ebé relata iha loron 28 fulan-agustu na'in-1 (ida), ho detalle hanesan feto ho idade tinan 76, Timoroan, hela iha Dili seidauk vasina iha 28 Agostu 2021diagnóstikadu iha Emerjénsia HNGV ho sindroma insufisiénsia respiratória aguda (SIRA).

Matebian iis-kotu iha madrugada 03h03 tanba respiratoric failure/parajen respiratória. Rezultadu PCR hafoin iis-kotu CT:22,8. Família rejeita atu hala’o funeral tuir protokolu ne’ebé adopta iha Timor-Leste.

Hahú husi loron 27 to’o 28 Agostu, hamutuk hotu Laboratóriu Nasionál Saúde (LNS) halo 655 testes PCR iha Dili ho detalla hanesan Vijilánsia sentinela 82, Rastreiu ba kontaktu (Contact tracing) 308, Rastreiu Aleatóriu (Random Screening) 145, Viajen sai husi serka sanitária munisípiu Dili 94, Viajen internasionál 1 no follow up iha kuarentena 25.

Rezultadu teste PCR ne’ebé halo iha loron 27 Agostu iha munisípiu sira seluk REAOA HNGV hamutuk 367 ho detalle hanesan Baukau 151, Ermera 6, Maliana 51, Maubisse 26, RAEOA 15, Covalima-Suai 38, Vikeké 8, Lautein-Lospalos 4 no HNGV 68. (*)

Tempotimor (Dili)-Bankada Uniaun Demokrátiku Timorense (UDT), Francisco David Xavier Carlos, dúvida ho deklarasaun Ministériu Saúde (MS) tanba laiha fasilidade maibé fó sai katak kazu variante delta mosu ona iha Timor-Leste.

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba komunidade sira atu ignora informasaun ne’ebé lansa iha mídia sosiál hodi estraga ema nia konsiénsia ba simu Vasina Covid-19.

Tempotimor (Dili)- Prezidente Parlamentu Nasionál (PN), Aniceto Longuinhos Guterres Lopes, preokupa ho númeru pozitivu covid-19 ne'ebé kontinua aumenta iha Timor-Leste, maibé Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, husu atu komunidade sira kumpri nafatin regra prevensaun.

"Ohin loron saúde públika sai preokupasaun boot tebes ba ita hotu no ba Estadu Timor-Leste, liliu tanba númeru kazus COVID-19 no ninia variante aumenta ba bei-beik”, dehan Aniceto Guterres, iha komemorasaun loron FALINTIL ba dala-46 iha Kuartel Jenerál, Fatuhada, sesta (20/08).

Tanba ne'e apela ba kompatriota sira, ba sidadaun timoroan no estranjeiru sira iha Timor-Leste, atu kumpre regra sanitárias prevensaun nian hanesan uza máskara, fase liman ho sabaun no distánsiamentu sosiál, atu nune'e salva ida-idak nia-an, nomós salva ema seluk.

Ba pasiénte Covid-19 iha Timor-Leste, tenke kolabora ho pesoál saúde no pesoál seluk iha liña frente hodi salva Timor-Leste husi moras Covid-19.

Maibé, Kay Rala Xanana Gusmão hatete, nia parte difísil atu dehan covid-19 ejiste iha Timor-Leste ka la'e, maibé husu nafatin ba komunidade atu uza máskara, atu-nune'e evita-an, husi Covid-19 ne'e mosu duni iha rai laran.

“Covid ita labele dehan katak laiha, iha Timor ha’u mós susar atu fiar katak iha, maibé maluk sira uza máskara ba, hanorin oan sira, imi joven sira malandru sira ne'e uza máskara ba, para evita, mosu karik”, dehan Xanana.

Tanba kazu covid-19 ne'e la'ós palodizmu, ne'ebé babain hetan, maibé ne'e mai husi liur, tanba tenke uza máskara, nune'e moras peste ne'e tama karik labele da’et ba ema.

“Covid nia problema mak ne'e, ohin ha’u hakoak tiha xefe aldeia, ha’u iha Covid, ko’alia tama husi ama nia inus, no nia pulmaun mós iha hotu, nia fila ba uma, nia hakoak nia laen, nia ko’alia buat ne'e pasa ba iha nia la’en, nia la’en ba ko’alia fali ho nia kolega sira, pasa ba kolega sira, ida ne'e mak problema boot Covid iha mundu”, esplika Xanana.

Ne'e duni atu fiar ka la fiar, hothotu tenke proteze-an nafatin hodi labele hetan, tanba ida ne'e nu’udar problema boot ne'ebé konsege hamate ona ema (tuju-juta orang) iha mundu, tanba lahatene prevene. (*)

Tempotimor (Dili)-Ministériu Saúde liuhusi Sentru Integradu Jestaun ba Krize (SIJK) informa, posibilidade variante delta sirkula ona iha Munisípiu Dili no Ermera ne'ebé númeru kazu insidénsia sa'e maka'as.

Tempotimor (Dili)-Ministeriu Saúde (MS) sidauk preparadu ho ekipamentus atu hasoru variante foun Corona-Delta, tanba sistema saúde sei nafatin, maske kontinua esforsu hodi halo prenvesaun.

“Intermus de ekipamentu, hanesan ha'u dehan ita la preparadu, ita atu prepara to’o tiha ne'ebé maibé ita-nia situasaun, ami koko atu prepara maibé sistema saúde nafatin, tanba ne'e mak ita sempre husu atu halo prevensaun uza máskara, fase liman ho sabaun, distánsia sosiál, no uza hand sanitizer”, dehan Ministra Saúde (MS), Odete Maria Freitas Belo hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, segunda (12/07).

Tanba ida ne'e, kontribui ba nasaun Timor-Leste, kuandu monu ba situasaun sira ne'ebé sidadaun sira la espera.

“Ita labele espera situasaun ne'ebé la di'ak, ita sempre optimizmu katak situasaun aat sei la akontese iha ita-nia rai, ho ita hothotu nia kooperasaun,ita hothotu nia kontribuisaun ba rai ida ne'e atu labele mate, atu labele moras, labele lori ita ba toba iha ospital ne'ebé mak sei fraku tebetebes”, afirma nia. (*)