Tempotimor (Dili)-Deputadu Bankada Congresso Nacional de Reconstrução de Timor (CNRT), Domingos de Carvalho, akuza Governu hakarak moras covid-19 hamosu nafatin iha Timor-Leste, tanba Konsellu Ministru (KM) dekreta lockdown iha Dili, maibé loke fronteira ema tama-sai ho livre.

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco, husu Governu presiza rekruta tán pesoál hodi reforsa serbisu iha liña frente.

"Bankada FRETILIN sujere ba Governu atu reforsa ‘frontline’ saúde liuhusi rekrutamentu ‘Recursos Humanos’ hodi hatán ba situasaun ida-ne’e", dehan nia iha plenária PN, tersa (24/08).

Husu atu solusiona lailais, subsídiu ba pesoál saúde ‘frontline’ ne’ebé seidauk hetan sira-nia direitu.

Bainhira dekreta konfinamentu obrigatóriu iha kapitál Díli no iha munisípiu atu kombate propagasaun variante foun, Governu presiza halo uluk avizu ba populasaun sira hodi prepara sira-nia an.

"Nune’e mós Governu presiza prepara kondisaun lojístika ruma molok dekreta medida konfinamentu obrigatóriu", dehan nia.

Tanba populasaun saturadu, baruk no kolen ona ho situasaun ida-ne’e, purtantu at liu ona polítiku sira balu ne’ebé politiza moras pandemia mundiál ida-ne’e, tanba sira-nia hanoin‘post power syndrom’.

Ho situasaun ida-ne’e, profisionál saúde sira mós dezgastadu ho karga orária serbisu nian tanba númeru infetadu ne’ebé aumenta loron ba loron.

Husu líder polítiku sira, tenke kompara moris hanesan povu, nu’udar mós hanesan nasaun bele kontribui lisuk ho hanoin pozitivu, konstrutivu, no hahalok atu lailais normaliza situasaun ida-ne’e, no lailais hasai karga serbisu profisionál saúde sira-nian hodi fó mós tempu ba sira-nia an no ba sira-nia família.

"Oinsá ita bele kombate vírus Covid-19 ho variante foun, karik ita hotu la esforsu hamutuk, evita halibur ema barak iha fatin oioin, iha reuniaun sira, iha festa sira no fatin turizmu sira?", dehan nia. (*)

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco, hakarak Governu liuhusi Ministériu Edukasaun Juventude no Desportu (MEJD) atu suspende prosesu ensinu aprendijazen durante aplikasaun Estadu Emerjènsia (EE) hodi prevene Covid-19 no variante delta.