Login to your account

Username *
Password *
Remember Me

Suku Fuat Presija Postu Saúde no Kondisaun Eskola Di’ak

Xefe Suku Fuat, Martins Pinto kaer mikrofone hato'o estaun balun durante sorumutuk ho SEKoop Elizario Ferreira, (22/10) Xefe Suku Fuat, Martins Pinto kaer mikrofone hato'o estaun balun durante sorumutuk ho SEKoop Elizario Ferreira, (22/10) Foto Tempo Timor

Tempotimor (Lautém)- Xefi suku Fuat, postu administrativu Iliomár, munisípiu Lautém, Martins Pinto husu ba governu atu hari’i postu Saúde ida iha nia suku, tanba durante tempu okupasaun Indonézia to’o Timor-Leste ukun-aan, seidauk iha postu saúde permanente atu bele atende komunidade.

“Problema iha ha’u nia suku mak postu saúde, atu asesu ba saúde, durante ne’e seidauk iha. Enfermeiru sira mós dala-ruma la ba, programa SISKA mak foin ba, maibe atu halo atendimentu kona-ba ida ne’e la iha”, Martins Pinto ba www.tempotimor.com iha administrasaun postu administrativu Iliomar, munisípiu Lautém, kinta (22/10).

Nia afirma, hahú kedas husi tempu okupasaun Indonézia nian to’o ohin loron, komunidade sira iha suku refere, la asesu ba tratamentu Saúde ne’ebé di’ak, tanba governu seidauk hari’i postu saúde ruma.

Nia rekomenda ba governu liuhosi Ministériu Saúde (MS) atu iha tinan 2021 karik Orsamentu Jerál Estadu (OJE) pasa, bele hari’i postu saúde ida iha nia nia suku, no inklui kompleta mós ho ho fasilidade saúde.

Nia mós preukupa kona-ba kondisaun eskola EBF Padese Ferra Naben Fuat ne’ebé durante ne’e sala ba hanorin nian limitadu liu tanba kloot, no durante ne’e estudante sira husi klase 1 to’o 6, uza hamutuk de’it sala ida.
"Mestre sira hamutuk ema na'in 6 de'it mak hanorin alunus sira na'in 200 resin", nia hateten.

Nia hatutan, iha tinan 2018 bainhira akontese anin-boot sobu totál kalen eskola nian no to’o agora seidauk hadi’a, tanba ne’e nia husu ba governu atu halo konstrusaun foun tanba kondisaun eskola aat totál.

“Eskola uza de’it sala rua, husi klase 1 to’o 6, iha sala rua de’it, ne’ebé ha’u lahatene, jestaun de aprendijazen ne’e oinsá, maibé ha’u haree iha ha’u nia suku ne’e, eskola oan sira uza sala rua de’it”, nia dehan tan.

Entretantu, suku Fuat kompostu husi aldeia tolu, ho totál populasaun hamutuk 1.119, kompostu husi mane 535 no feto 584.

Distánsia husi suku Fuat ba postu Iliomar Villa, kuaje kilometru 8, ho nia área Jeográfika kuaje 62,500 km2.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter