Tuir nia, durante populasaun barak mak la halo to'os ho natar tanba impaktu husi animál sira- ne'ebé husik livre to'o tama ema ba estraga komunidade sira-nia ai-horis ne'ebé kuda ona iha to'os no natar.

Nia husu ba autoridade lokál sira atu esklarese ba komunidade sira labele husik animál arbiru de'it iha sidade laran ka tama fali ba ema nia área ne'ebé agrikutór sira kuda ai-haan ba.

“Tanba saida mak imi halo, agora daudaun ema baruk atu halo to'os no halo natar tanba animál. Aban bainrua ha'u sei fó orden, animál sei halo luhan hotu, sé animál luhan hotu, ha'u fiar katak imi sei la hamlaha," Administradór Munisípiu Lautém, Domingos Sávio durante diskursu hodi halo lansamentu ba distribuisaun ai-haan cesta bázika ba komunidade sira iha Suku Ai-liabere, Postu Administrativu Iliomar, (19/0).

Nia fó hanoin ba komunidade sira katak, bainhira hakarak moris atu riku, iha uma-laran tenke fahe, ema ida tenke halo to'os, ida tenke halo natar, fahe nia oan sira no ida tenke ser fa'an kioske.

“Labele ema ida foti servisu lima, ha'u sei kolabora ho kompenente hotu-hotu iha Lautém, sei regula buat ne'e”, dehan nia.(*)