“Iha Munisípiu Lautein, ohin deteta kazu foun 1. Kazu ida ne’e halo viajen husi Dili ba Lautein iha dia 18 de Marsu de 2021. Kazu pozitivu ne’e estudante UNITAL, iha Lautem hela iha Aldeia Reisoru, Suku Home, Lospalos Vila. Iha Dili hela iha Aldeia Bedois, Suku Camea”, deklara Rui liuhusi Zoom conference iha CCD, segunda (22/03).
Kazu iha loron 22 fulan-marsu 2021, CIGC fó sai evolusaun surtu Covid-19 iha Munisípiu Díli iha kazu foun 4, ho detalladu mak, kazu pozitivu 1, hela iha Aninfuik, Suku Campo Alor, Posto Administrativu Dom Aleixo. Pozitivu ne’e detetatu iha teste atu hetan autorizasaun esepsionál sai husi serka sanitária Dili, ba Covalima. Kazu ida ne’e, estudante UNPAZ, Fakuldade Diretu, hahú iha sintomas iha loron 18 fulan-marsu tinan 2021.
Maibé kazu pozitivu 2, hela iha Aldeia Bidau Tokobaru 2, Suku Kulu-hun, Postu Administrativu Cristo Rei. Pozitivu hirak ne’e kontaktu-besik ho kazu iha cluster hanesan, ne’ebé anunsía iha loron 20 fulan-marsu.
Iha kazu pozitivu 1, hela iha Aldeia 20 de Setembro, Suku Bebonuk, Postu Administrativu Dom Aleixo. Kazu ne’e kontaktu-besik ho kazu iha cluster hanesan.
Ho nune’e, kazu detetadu ka pozitivu iha Munisípiu Dili husi loron 7 fulan-marsu 2021, to’o loron 21 fulan-marsu 2021, hamutuk hotu 183.
Baze ba informasaun ne’ebé ekipa konjunta saúde nian rekolle, foku/cluster Kazu detetadu 183 iha Dili ne’e, fahe ba ccluster 35, namkari iha instituisaun 4, eventu 1 Suku 10, fatin kuarentena 1, iha Postu Administrativu D. Aleixo, Vera Cruz, Nain Feto no
Cristo Rei.
“Husi cluster 34 ne’e, iha cluster 14 maka liu ona semana 1 laiha kazu foun", dehan mia.
Evolusaun surtu covid-29 iha munisípiu Baucau la iha kazu foun no iha munisípiu Viqueque ohin kazu foun 4 hamutuk hotu husi Viqueque detata ona kazu konfirmadiu Na'in 8 .
"Kazu foun hirak ne’e, hela iha Aldeia Mamaluk (Beloi), Suku Karaubalu, Viqueque. Kazu konfirmadu hirak ne’e kontaktu-besik ho profisionál saúde ne’ebé halo kursu pós-laboral iha UNTL & fila husi Dili ba Viqueque iha dia 8 de Março”, deklara Rui.
Tanba ne'e kazu iha Timor-Leste kazu found 9, kaze rekuperadu 4, kazu ativu 211 no husi kazu foun ma'in 9, iha mane 2 Feto 7 ho idade 8-11 na'in 2, idade 19-42 Na'in 7, ema sintomátiku 1 no email asintomátoku 8.
"Horiseik mai ohin hamutuk hotu halo 656 testes PCR. Husi dia 19/3/2021 to’o ohin, 22/3/2021, teste PCR ba ema atu hetan autorizasaun esepsionál atu sai husi serka sanitária husi Munisipiu Dili hamutuk 420”, hatete nia.
Kazu ida detetatu ne’ebé sofre mós insufisiensia renal kronika oras ne’e dadaun halo hela hemodiálize iha HNGV, iha fatin espesiál ba halo hemodiálize ba ema sira ne’ebé mós pozitivu SARS-CoV-2. (*)
