Login to your account

Username *
Password *
Remember Me

KAN Prodús Batar Tonelada 20 kada tinan

Prezidente Kooperativa Kréditu Asosiasaun Naroman (KAN), koalia hela ho Sekretáriu Estadu Kooperativa (SEKoop), Elizário Ferreira hodi informa konaba servisu kooperativa nian iha sede kooperativa, suku Fahilebu, sábadu (12/12). Prezidente Kooperativa Kréditu Asosiasaun Naroman (KAN), koalia hela ho Sekretáriu Estadu Kooperativa (SEKoop), Elizário Ferreira hodi informa konaba servisu kooperativa nian iha sede kooperativa, suku Fahilebu, sábadu (12/12). Foto Midia SEKoop

Tempotimor (Likísa)- KooperativaKréditu Asosiasaun Naroman (KAN) hari'i iha suku Fahilebu iha tinan 2003 no atividade ne'ebé hala’o maka halo produsaun batar, ne’ebé kada tinan prodús tonelada hamutuk 20 hodi fa'an ba governu na kompañia.

Prezidente KAN, Matinho dos Santos, hateten osan ne'ebé hetan, membru sira tau hamutuk iha sira nia kréditu hodi fó fali ba membru sira empresta hodi hadi'a ida-idak nia moris.

"Ami kada tinan prodús toneladas 20 ba leten, mais agora ne'e iha toneladas 12 mak sei iha, ne'ebé kompañia atu sosa", Martinho dos Santos hateten iha suku Fahilebu, Sábadu (12/12). Entretantu, daudaun ne'e KAN, iha membru hamutuk ema na'in 115, ho kapitál hamutuk rihun $45 liu.

"Sé membru mak empresta, ami fó 3%. Maibé la fó ba liur, fó ba membru iha suku laran de'it. Sira bele foti rihun $2, ou $2500 atu selu oan sira nia eskola, halo negósiu ho seluk tan", nia esplika.

Nia hateten, durante ne'e sira seidauk hetan apoiu kapasitasaun ruma husi governu ba iha membru sira, maibé sira iha ona planu sei halo pedidu ba SEKoop atu fó apoiu formasaun ba sira hodi hasa'e kapasidade.

"Durante ne'e ami komunidade lubuk ida ne'e moris di'ak ne'e hodi fini ne'ebé mak ami produs, ami fa'an hodi rai osan, empresta osan, depois sosa sira nia motor, kareta, halo uma, depois selu oan nia eskola", nia hateten.

Kona-ba asuntu apoiu formasaun, SEKoop, Elizário Ferreira hateten, Kooperativa Kréditu Asosiasaun Naroman (KAN), sira iha inisiativa ida diak no presiza hetan atensaun hodi kria kondisaun oinsá mak atu bele dezenvolve tan atividade fini hodi fasilita di'ak liu tan ba ita-nia populasaun sira hotu.

"Hanoin katak ba oin Sekretária Estadu Kooperativa sei fasilita formasaun, edukasaun ba sira atu bele nakfilak ba kooperativa, ho kooperativa ida ne'ebé maka sustentável no iha estabilidade finanseira ba sira nia kooperativa rasik", Elizário hateten. (*)

Rate this item
(0 votes)
Last modified on Monday, 14 December 2020 10:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter