Login to your account

Username *
Password *
Remember Me

MAPKomS Inaugura Programa 'Naroman ba Suku' iha Lisadila

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, asina hela plaka programa Naroman ba Suku, iha Suku Lisadila, sesta (03/12). Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, asina hela plaka programa Naroman ba Suku, iha Suku Lisadila, sesta (03/12). Foto Tempo Timor

Tempotimor(Likisá)-Governu liuhusi Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, inaugura sentru informasaun programa Naroman ba Suku iha Suku Lisadila, Postu Administrativu Maubara, Munisípiu Likisá.

"Ohin ita inaugura sentru Programa Naroman ba suku no programa ne'e atu fó naroman ba suku Lisadila, hodi bele asesu informasaun kona-ba potensialidade iha suku ne'eba públiku, iha nível nasionál inklui asesu ba prosesu dezenvolvimentu iha suku postu to’o nível nasionál”, dehan Ministru Francisco Martins, iha sede Suku Lisadila, sesta (03/12)).

Programa Governu ne'e nu'udar prioridade ho intensaun atu lori informasaun ba nível lokál besik ba komunidade sira iha área rurál hodi fó oportunidade ba komunidade hato'o preokupasaun no obstakulu ne'ebé lokál hasoru.

Nune'e, atividade ne'e lori besik Governu ba komunidade, hodi fó solusaun ba problema ne'ebé populasaun hasoru no transmite preokupasaun sira ba Ministériu relevante sira atu promove partisipasaun iha prosesu dezenvolvimentu.

"VIII Gvernu konstitusionál hakarak investimentu konsentra iha ema, hodi mobiliza malu hato'o preokupasaun no atividade sira, liuhusi informasaun ba públiku atu hatene potensialidade suku Lisadila nia”, hatete nia.

Programa Governu iha povu nia leet, iha sub-programa  ho atividade sira hanesan kriasaun sentru informasaun suku rurál, ne'ebé ne'e estabelesidu  lona, atu hari’i ka promove kriasaun biblioteka komunitaria iha suku rurál, diálogu komunitaria iha suku rurál. 

Nune’e mós diálogu komunitáriu no vídeo konferénsia ho membru Governu sira atu responde ba preokupasaun sira.

Xefe Suku Lisadila, Fernando Lobo, agradese ba Governu ne'ebé hili ona suku Lisadila hodi estabelese programa 'Naroman ba Suku. 

"Lori Komúnidade suku Lisadila nia naran, hato'o agradese wain ba prezensa MAPKomS nia, tanba hili ona ami nia suku ne'e hodi estabelese programa Governu iha povu nia leet programa naroman ba suku”, dehan nia.

Entretantu Programa Naroman ba suku nu’udar pilotu atu promove asesu ba informasaun iha suku rurál no hakbi’it komúnidade sira-nia kapasidade asesu ba informasaun.

Programa ne'e buka atu lori informasaun ba nível lokál besik ba komunidade sira iha suku hodi fó dalan ba komunidade hato’o preokupasaun ba obstakulu sira ne'ebé mak sira hasoru hodi aprezenta ba meiu komunikasaun nasionál sira. (*)

Rate this item
(0 votes)
Last modified on Friday, 03 December 2021 18:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter