"Tanba joven sira, no inan aman nia oan iha suku ne'e mak sei tuir formasaun no sira mak sei hala'o atividade, nune'e husu atu kuidadu no aproveita, tanba joven mak sai sentru ba dezenvolvimentu iha futuru, atu garante de'it ba joven sira, ho estabelesimentu sentru formasaun ne'e, husu ba ita-boot sira atu aproveita didi’ak no kuidadu sentru ne'e, nune'e programa sira ne'e nafatin iha nia kontinuidade”, dehan Francisco Martins, iha sede Suku Lisadila, bainhira inaugura Sentru formasaun programa 'naroman ba suku', seste (03/12).
Tanba programa ne'e, iha área MAPKomS nia mak oinsá fó formasaun ba Joven sira iha suku rurál, nune'e halo naroman komunidade nia hanoin iha suku kona-ba dezenvolvimentu ne'ebé la'ó iha rai laran
Governu nia hakarak mak lori dezenvolvimentu konsentra iha povu, tanba povu mak sai na’in ba dezenvolvimentu
Koordenadór ba sentru formasaun 'Naroman ba suku', Domingos Gonçalves, kompremitidu no prontu atu servisu iha sentru ne'e ho a vontade maske sem saláriu.
"Ami prontu atu servisu maske lukru laiha, hanesan Koordenadór ha'u sei asegura nafatin saida mak Governu entrega mai ami, hanesan sasán sira ne'ebé oferese ona mai ami, atu ami fó formasaun ba joven sira iha suku ne'e, no ha'u nu'udar Koordenadór prontu ho ha'u-nia ekipa atu lori ami-nia suku nakukun ba naroman, liuhusi habelar informasaun”, afirma nia.
Aleinde ne'e mós hakarak agradese ba Governu, tanba hili ona suku Lisadila hodi estabelese programa Governu iha povu nia leet 'Naroman ba Suku'. (*)