Aleinde ne’e, membru polisia iha eskuadra ne’e mós tenke la’o ain de’it hodi halo patrulamentu tanba sira-nia karreta patrulamentu aat ona.
Komandante Eskuadra Soibada Interinu, Sarjentu Dahuluk Carolino do Carmo informa, durante fulan 6 ona komputador iha sira-nia fatin avaria, tan ne’e sira obrigadu hakerek de’it relatoriu ho liman.
“Ami agora ne'e uza deit liman hakerek. Iha komputadór ida de'it no agora aat durante fulan haat resin ona, laptop ba OPS iha, maibé ita atu halo serbisu ruma, ita atu ba print iha ne'ebé?,” dehan Carolino iha Soibada, Sabadu (22/08).
Situasaun ida ne'e, nia hatete, difikulta serbisu diaria membru polísia sira nian, no bainhira halo relatóriu ba munisípiu, sempre hakerek de'it ho liman.
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Aleinde problema komputador, nia dehan, problema seluk ne’ebé sira hasoru mak transporte hodi fasilita sira-nia serbisu ne’ebé aat ona, bee-moos laiha, eletrisidade laiha no kondisaun edifisiu ne’ebé aat ba dadaun.
Kona-ba transporte, nia hatete, karreta ba eskuadra Soibada avaria durante tinan rua ona, no durante ne’e sira uza motorizada ba OPS, maibé kondisaun komesa aat ona tanba durante ne’e sempre uza ba-mai hodi atende problema komunidade iha nível rurál sira ne'ebé ho kondisaun estrada aat tebtebes.
“Bainhira mosu problema ruma iha komunidade iha tempu loron no mós kalan, dala-ruma la'ó ain de'it hodi halo patrullamentu,” dehan nia.
Problema seluk, nia dehan, kona-ba camera ne’ebé la di’ak. Ida ne’e difikulta mós membru polisia sira atu rekolla evidensia, liu-liu foto ba akontesimentu ka problema ruma ne’ebé mosu.
“Ami-nia kamera mós la di'ak, bainhira mosu problema ruma iha komunidade, ita ba tenke iha evidénsia, entaun tenke uza kamera ruma, maibé ami nia kamera iha investigasaun ne'e aat,”
PUBLISIDADE HUSI MOP FO PARABENS BA LORON FALINTIL