Família hetan Ona Angelino nia mate-isin Iha área Rembor-Manatutu

Matebian Angelino da Costa Oliveira, mate latan hela iha mota ibun área Rembor Manatutu, hafoin hetan husi familia sira no evakua ba uma-hela fatin, (08/04/2021). Matebian Angelino da Costa Oliveira, mate latan hela iha mota ibun área Rembor Manatutu, hafoin hetan husi familia sira no evakua ba uma-hela fatin, (08/04/2021). Foto Suplai

Tempotimor (Dili) - Durante loron tolu buka, família husi matebian Angelino da Costa Oliveira nian iha kinta loron 08 fulan Abríl 2021 ne'e, maizumenus iha tuku 11:25 loron, hetan ona nia mate isin ne'ebé latan hela iha mota-ibun besik aldeia Rembor, Suku Aiteas, Postu administrativu Manatutu Villa, munisipiu Manatutu.

Matebian Angelino mate tanba korente mota Lakló nian tun ho velosidade boot lori halai nia to'o lakon nia vida.

Tuir kronolójia katak, hafoin udan ho anin-boot ne'ebé mosu iha loron 03 no 04 fulan Abríl ne'e, loron tuir mai iha segunda (05/04), matebian tenta sai husi uma hela fatin hodi hakur mota Lakló, atu ba haree ninia karau ne'ebé kesi hela iha natar laran.

"Matebian Angelino monu iha dia 05 Abríl ne'e, tanba ho rajaun hakarak hakat ba mota sorin hodi ba hare nia karau-inan ida kesi hela iha sorin i matebian hamutuk ho nia maluk sira na'in 4 maka hakur ba mota sorin no ikus matebian tun ba ida ne'e la hetan kedas ona nia isin", informa liuhusi karta komunikadu ne'ebé www.tempotimor.com asesu ohin sexta, 09/04/2021).

Hafoin, matebian lakon iha korente mota nia klaran, nia maluk na'in haat seluk ne'ebé sira la'o hamutuk, hakilar husu ajuda ema atu salva, maibe ema hotu la rona.

Bainhira matebian ho nia maluk nain 4 seluk tenta hakur mota atu ba haree sira nia natar ho animal iha mota nia sorin, komunidade balu iha área Mantane nian ne'ebé hamri'ik hela iha foho leten, observa hela sira nia movimentu iha mota laran, ho korente mota ne'ebé boot, maibé matebian tenta nafatin atu hakur mota ne'e iha área Bilou nian.

"Maibé, ikus mai matebian Angelino lakon de'it iha bee laran tanba mota lori, i horseik dia 08 fulan Abríl ne'e mak foin hetan nia isin ho kondisaun mate ona latan hela iha mota ibun entre área Rembor ho Iliheu nian", haktuir iha komunikadu ne'e.

Entretantu, matebian Angelino da Costa Oliveira, moris iha Lacló, iha loron 26 fulan Juñu tinan 1981 iha Aldeia Uma-naruk, Suku Uma-naruk, Postu Administrativu Lakló, munisipiu Manatutu.

Matebian mate husik hela faluk no oan kiak ho família sira, no tuir planu ohin (09/04), lorokraik, família sira hahú ona ho serimónia funébre iha semiteiru Lakló.(*)

Rate this item
(2 votes)
Last modified on Friday, 09 April 2021 11:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter