"Populasaun pursentu 83 iha munisípiu Manufahi mak asesu ona bee-moos, no sei hela pursentu 17 mak seidauk hetan asesu ba bee-moos”, dehan Arante iha Salaun Parokia, kuarta (17/11).
Tanba servisu bee-moos no saneamentu ne’ebé apoiu husi Governu no Water Aid, estabelese ona sistema bee-moos 189 iha área urbana no rurál sira iha Munisipiu Manufahi.
Maske sistema balun avaria ona tanba kestaun tékniku, hanesan hirak ne'ebé uza solar painel hodi dada bee husi fatin klean ba komunidade nia hela fatin iha foho leten sira, balun tanba dezastre.
Dadaun ne’e, Agua Portugal hala'o hela levantamentu iha área urbana atu reabilita no aumenta instalasaun sira ne'ebé tuir mai sei responsabiliza operasionalizasaun husi Empreza Bee nian, no Administrasaun munisípiu sei responsabiliza de'it ba área rurál sira no dadun ne'e la'o hela.
Enkuantu kona-ba saneamentu, Manufahi deklara ona ALFA iha tinan 2019, ho kategória sentina permanente pursentu 40, semi pemanente pursentu 29, no sintina manual pursentu 31. (*)
