Maibé CNRT uza media hodi curhat konaba razaun CNRT , xhumba OGE 2020, katak, CNRT xhunba OGE tanba OGE 2020 kontra lei, osan boot liu, osan barak selu deit asesor.
Prezidenti CNRT koalia to'o asesor, hodi haluha katak, asesor prinsipal iha VIII Governu nia salariu to'o 7 mill ate 10 mill dollar Amerikanu ne, laos CNRT nia ema, husu took Sr. Rigoberto ho Sr. Tomas Cabral, Sr. Alfredo Pires nia salariu hira kada fulan? .
Argumentu ne'e, hatudu CNRT menyesal/arenpede ho sira nia desizaun rasik hodi xhunba OGE 2020.
Ita hotu akompaña prosesu diskusaun OGE 2020, prosesu diskusaun ba OGE laos Governu aprova iha Konsellu Ministru mai PN tau karinbu deit, maibé OGE mai PN baixa ba komisaun espesializada PN, depois komisaun sira halo audensia ho Ministeriu idaidak no komisaun C halo relatoriu final lori ba plenaria.
Tuir lolos momentu ne'eba, se CNRT hare katak, OGE 2020 ne'ebé nia Governu rasik aprezenta dehan iha buat balun salah, Deputadu sira iha dever halo proposta alterasaun hodi hadia iha diskusaun espesialidade laos haruka Governu retira , ba hadia. Bainhira ba hadia Primeiru Ministru VIII Governu intrega ba Ministru Prezidenti Konsellu Ministru Dr. Agio Pereira, Ministra Interina Sara Lobo Brites, Ministra Edukasaun Juventude Desportu Dulçe de Jesus ho Ministru Transporte Telekomonikasaun Agostinho da Silva mak lidera.
VIDEO PUBLISIDADE APELU HUSI PM TAUR APLAUS BA FRONT LINE
Pois hadia tiha lori mai PN, mai se salah nafatin, tuir lolos Deputadu Parlamentu Nasional iha dever hadia, liu husi proposta iha diskusaun espesialidade, laos xhunba fali, né hanesan abuza halo trosa ba PM VIII Governu nudar eis Prezidenti Repúblika no Eis General ida e mos hanesan eis Sub Xefe Estadu Major FALINTIL.
Se CNRT lakohi TMR sai PM nusa mak indizita nia, Prezidenti partidu CNRT nusa mak lakohi sai PM momentu ne'eba, Prezidenti CNRT mak obriga TMR sai PM hodi lidera VIII Governu. Indizita tiha pois Deputadu CNRT mak omilia nia, Deputadu mak desakredita nia.
Agora Khunto dada àn komesa buka razaun fó salah ba PR, ema susesu hasoru COVID-19 mos dehan politiza, imi nia hakarak hare Povu né mate mak imi fiar karik.
Wainhira Khunto retira husi Koligasaun foun, CNRT, PD, UDT/FM, PUDD 29 kadeira iha PN laos maioria ona, plata forma FRETILIN ho PLP 31 aumenta tan KHUNTO 36 ona.
Hakarak tonka, hakarak remodela, hakarak forma Governu dala 9, né urusan partidu tolu né nian.
Laos turtur arepende, CNRT buka razaun la hetan ameasa fali paraliza PN ou PPN Arào Noé sei la tun husi nia kargu tanba CNRT, PLP ho KHUNTO mak hili nia.
Parlamentu Nasional né orgaun kolegial laos unipesoal hanesan PR ne'ebé hili direita husi Povu. Ne'ebé desizaun saida deit iha PN ne plenaria mak soberania laos PPN! PPN né Deputadu sira mak vota ho sekretu mak hili nia laos Bankada!
Iha situasaun defisil hasoru Covid -19 PN funsiona hanesan babain, ate CNRT halo tan proposta husu osan 500 mill Dollar Amerikanu halo fiskalizasaun agora atu tama fali situasaun normal mak imi paraliza né logika laiha.
Hau hare CNRT la simu realidade, halo politíka ida hakarak ukun deit mais la prontu sai opozisaun!
Se CNRT sai opozisaun hanesan FRETILIN tinan 12 karik moreu kleur ona! Ita halo ona festa kore-metan!
PUBLISIDADE
