Login to your account

Username *
Password *
Remember Me

Items filtered by date: Thursday, 01 October 2020

Tempotimor (Dili)-Maske Timor-Leste iha politika ne'ebé diferensiasia, maibé ninia lideransa sira kontinua buka solusaun hodi rezolve liu husi dalan ne’ebé di’ak, tanba ho objetivu ida de'it ba nasaun ne’e ninia di’ak.

Published in Politika

Tempotimor (Dili)-Primeiru Ministru Taur Matan Ruak ne'ebé lidera governu konstitusional daualu husu ba deputadu sira iha Parlamentu Nasional atu aprova proposta Orsamentu Jeral Estadu (OJE) 2020 tanba durante ne’e estadu TL moris de’it ho Dotasaun Orsamentu Temporariu.

Published in Politika

Tempotimor (Dili)-Maske sei iha deklarasaun husi lider balun ne’ebé hatete katak Timor-Leste sei moris iha impase nia laran, maibé tuir Primeiru Ministru Taur Matan Ruak, governu ne’ebé nia lidera konsege ultrapasa ona impase politika. Ida ne’e akontese tanba bankada parlamentar sira ne’ebé iha matenek.

Published in Politika

Tempotimor (Dili)-Ministru Asuntu Parlamentar no Komunikasaun Sosial (MAPKomS) Francisco Jerónimo,  iha Kinta (01/10) dader halo vizita urijente ida ba edifisiu Radio Televizaun Timor-Leste, Empreza Publiku (RTTL,EP).

Published in Politika

Tempotimor (Manatutu) – Prezidente Timor Gap Antonio Jose Loiola de Sousa deklara ba Parlamentu Nasional katak jestaun estrutura anterior nian a di’ak, tanba ne’e hamosu divida hamutuk tokon US$ 4 iha instituisaun Timor Gap.

Hataan ba kestaun ne’e, Eis-Prezidente Timor Gap, Francisco Monteiro hateten, bazeia ba relatóriu anuál Timor Gap nian iha tinan 2019, ne'ebé hatuur loloos ho formál sira aprova iha Komisaun Ezekutivu, no Konsellu Admnistrasaun atual Prezidente Timor Gap mós iha ne'ebá hodi akompaña prosesu hotu.

Relatóriu anuál ne'e rasik mós submete ona ba iha Konsellu Ministru, Prímeiru Ministru, Prezidente Parlamentu Nasionál no membru deputadu tomak, to'o distribui mós ba Jornál Repúblika, inklui haruka ona ba Tribuná Kontas tuir dokumentu formál.

“Iha ne'ebá la temi divida tokon US$ 4, maibe iha kontestu ne'e (…) azvezes tau enkestaun kapasidade prezidente foun atu lee akuntabilidade, no la hatene señor ne’e foti númeru husi ne'ebé,” dehan Eis-Prezidente Timor Gap, Francisco Monteiro, iha Manatutu, Tersa (29/9).

Nia hatete, tuir loloos atuál prezidente tenke responde pergunta ho onestu, loloos tanba iha tendénsia sira haree halai liu ba kor polítika, envezde rekoñese ida ne'e mas ko’alia fali dehan eis-diretor sira, lideransa sira ne'e inkapasidade halo divida barabarak até temi to'o divida tokon US$ 4.

Tanba ne'e, tuir Francisco, desizaun ne'ebé atuál Prezidente Timor Gap foti ne'e ho pozisaun hanesan buat ida pániku loos.

“Purtantu, sé nia hatudu liman de'it hanesan ne'e, sebenarnya, nia hatudu mós ba iha nia-aan rasik. Ida ne'e kestaun ida. Maibé, faktu kona-ba ida nia temi tokon US$ 4 divida ne'e mós faktu la loos”, dehan nia.

Francisco dehan, reletóriu akuntabilidade ne'e kompleksu uitoan, bainhira lakohi aprende no lee didi'ak, bele lee sala mas sé lee loloos karik bele iha ballansu.

Iha termu ida Timor Gap nian ema bolu, karet, korente ho ida longu prazu nian. Korente nian ne'e sé la sala tokon US$ 14, depois viabilidade tokon US$ 6, laiha buat ida kona-ba tokon US$ 4 ne'e iha ne'ebá.

Nia informa, molok sei asume knaar hanesan prezidente Timor Gap, sira mós iha orsamentu ho montante kuaze tokon US$ 16.9, ne'ebé asegura antes husi governu, no to'o iha fulan-Jullu molok sira husik Timor Gap orsamentu sei iha hela tokon US$ 8.5.

“Ó atu halo saída ho osan tokon US$ 8.5 ne'e? Ne'e uza para atu selu duni viabilidade sira ne'ebé sé karik señor ne'e konsidera hanesan divida bele selu daudauk iha neebá. Osan ne'e atu halo saída iha ne'ebá, ba selu gaji de'it depois tuur nonook de'it la halo buat ida”, nia lamenta.

Eis-Prezidente ne'e dehan, kualker entidade iha nasionál hotu ne'ebé eziste, sira mós iha divida durante tinan balun iha kompania Sell, ConocoPhillips ka Woodside, bele haree iha nia ballansu kontabilístiku ninia komitmentu viabilidade ne'e billaun la'ós tokon US$ 4. (*) 

Published in Politika

Tempotimor (Dili) - Parlamentu Nasional sei diskute proposta Orsamentu Jeral Estadu tinan fiskal 2020, nune'e tuir Deputadu Bankada CNRT konsidera OJE 2020 'expire' ona tanba kontra regra normal konstitusaun. 

Deputadu CNRT, Aderito Hugo da Costa hateten, Konstitusun RDTL artigu 86 alinea F hateten, formasaun governu foun bainhira Orsamentu Jeral Estadu la pasa iha Parlamentu Nasional, no governu utiliza Dotasaun Orsamentu Temporal (DOT) masimu fulan rua ka 60 dias ho nia gastu preve ba funsionamentu makina estadu hanesan saláriu no vensementu, no mós bens no servisu, maibe realidade mosu kapital dezenvolvementu, transferensia publiku no kapital menor to’o fulan-Setembru. 

Deputadu bankada opozisaun ne'e hatete, tanba politika hadau poder aranju kontra regras dixiplinar sira hotu no OJE 2020 laiha ona dalan no estemporaniu ona.

"Proposta OJE 2020 ne'e fora ona, estemporaniu ona tuir padraun lei orsamentu jestaun finanseiru nian," dehan Aderito ba www.tempotimor.com, iha Parlamentu Nasional, Kinta (1/10).

Hugo esplika, presiza haree korrespondente OJE 2020 nia baze legal tuir Konstituisaun, maibe proposta OJE 2020 laiha ona kanal legal, tanba bainhira governu ida nia orsamentu la aprova ona mas superior loron 60, ne'e kategoria ona grave krize institusional.

"Ne'e norma ne'ebé ita viola hotu ona, komesa husi konstituisaun to’o sirklu orsamental no rejime duadesimu nian ita kontra hotu ona," dehan Hugo. 

Tuir Aderito, hanesan institusaun demokratiku, CNRT kestiona ho aplikasaun regra normais hahú husi Konstituisaun to’o lei jestaun finanseira maibe bainhira rejime duadesimu ne'ebé alargadu tiha komesa husi Janeiru to’o Setembru la’os deit ona saláriu vensimentu ho bens no servisu ne'e diak liu governu la presiza ona aprezenta OJE 2020, maibe sustenta ho DOT de’it tanba kobre hotu ona kapital menor, transferensia publiku ho kapital dezenvolvementu.

"Ne'ebé la presiza ona aprezenta orsamentu 2020 tanba rejime duadesimu bele despeza to’o Dezembru, ita perturba hotu normas estadu ida ne'e," hakotu Hugo. 

Entertantu, total OJE tinan fiscal 2020 hamutuk billaun US$ 1.4 ne'ebé sei utiliza ba selu despeza inklui rekuperasaun ekonomia. (*) 

Published in Politika

 

Tempotimor (Dili)-Deputadu CNRT Aderito Hugo da Costa hatete, atu rekupera ekonomia la’os fasil, maibé nia fó apoiu tanba ida ne’e nu’udar pratika di’ak ne’ebé halo iha nasaun hotu-hotu iha mundu.

Published in Politika

Tempotimor (Dili)-Eis Prezidente Parlamentu Nasionál no atual deputadu bankada CNRT Arão de Jesus da Costa Amaral deskonfia mosu politizasaun ba Covid-19 tanba molok estadu emerjensia remata, sempre mosu kazu pozitivu foun ida.

Published in Politika

Tempotimor (Dili)-Autoridade seguransa sei prosesa Timor-oan balun ne’ebé tama illegal iha area fronteira rai-maran Rejiaun Administrativu Espesial Oekusse-Ambeno (RAEOA) no daudauk ne’e hala’o hela kuarentena durante loron 14.

Published in RAEOA

Tempotimor (Dili)-Maske Prezidente Repúblika (PR) Francisco Guterres Lú Olo iha estadu emerjénsia dahaat husu ona ba governu atu halo lei propriu nune'e labele iha tan estadu emerjénsia, maibé realidade governu kontinua husu estensaun EE.

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter