Tempotimor (Dili)-Prezidente Konsellu Imprensa Interinu (KI), Expédito Diaz Ximenes, minimiza Jornalista timoroan sira katak seidauk intende didi’ak kona-ba definisaun entre informasaun no notísia.

Tempotimor (Dili)-Konsellu Imprensa ho Programa Nasaun Unidas ba Dezenvolvimentu (UNDP) lansa mídia Buss daruak ba eleisaun prezidensiál egundu volta.

Tempotimor (Dili)-Konsellu Imprensa (KI) sei notifika jornalista no Meiu Komunikasaun ne’ebé komete infrasaun durante kampaña eleisaun Prezidensiál.

Tempotimor (Dili)-Konsellu Impresa renova akordu hodi asina Memorandu Nota Entendementu (MuO) ho Rádiu Televizaun Timor-Leste, Empreza Públika (RTTL,EP) hodi kontinua programa talk show ne’ebé bolu ‘liberdade imprensa mak ha'u-nia liberdade’.

Tempotimor (Dili)-Diretór Ezekutivu Konsellu Imprensa (KI), Rigoberto Monteiro hatete, mídia ne'ebé rejistu iha Konsellu Imprensa hamutuk 35 maibé la siknifika mídia hothotu tenke partisipa tanba jornálista sira ne'ebé atu partisipa iha mídia tour ne'e tenke iha kartaun kredensiál atu vota móvel.

Tempotimor (Dili)-Konsellu Imprensa (KI) ho nia parseiru United Nations Development Programme (UNDP) lansa projetu matadalan reportajen eleitorál ba jornálista no Meiu komunikasaun sosiál, ba tour eleitorál ne'ebé sei akompaña eleisaun prezidensiál iha loron 19 tinan 2022.

“Konsellu Imprensa servisu hamutuk ho parseiru UNDP liuhusi matadalan reportajen eleitorál atu garante Jornálista sira, mídia atu ko'alia kona-ba prinsípiu paz, halo reportajen responsabilidade no polítiku inklusivu durante iha eleisaun serkula eleitorál”, dehan Reprezentante UNDP iha Timor-Leste, Munkhtuya Altangerel, iha Konsellu Imprensa, Kintal Boot, segundu (14/03).

Matadalan ne'e sei uza ba eleisaun prezidensiál ida agora, maibé sei dezenvolve liután hodi sai matadalan ida komprensivu ba eleisaun sira iha futuru.

“Ha'u garante katak matadalan ida ne'e, sei hadi'a kualidade komunikasaun di'ak iha nasaun ida ne'e ba tempu naruk, tuir mai ita sei operasionaliza tour média ba Jornálista sira durante loron eleisaun, halo kobertura iha Munisípiu 12 inklui rejiaun administrativu espesiál Oekussi Ambeno (RAEOA)”, esplika nia.

Matadalan ne'e sei ajuda tebes hodi asegura jornálista sira atu hala'o kobertura másimu ba eleisaun ne’ebé sei hala’o iha Timor-Leste.

“Ami apresia servisu konsellu imprensa nian, hodi prepara bass mídia iha tempu badak nia laran, ikus liu apresia mós ba Governu Japaun iha Timor-Leste no ha'u-nia dezezu ba susesu eleisaun iha Timor-Leste”, afirma nia.

Prezidente Interinu Konsellu Imprensa, Expedito Dias Ximenes, apredia parseiria UNDP iha Timor-Leste ho embaixada Japaun, ne'ebé apoiu Konsellu Imprensa kona-ba produz matadalan reportajen eleitorál eleisaun prezidensiál ida ne'e.

“Matadalan ida ita hein katak, bele uza mós iha eleisaun segundu volta no eleisaun parlamentár, ami sente katak apoiu UNDP la'ós foin mak halo maibé desde uluk to'o agora”, dehan nia.

Konsellu impresa sei husu apoiu ba UNDP ho Governu Japaun, hodi promove liberdade empreza no espresaun ho servisu hamutuk ho di'ak.

“Matadalan ne'e ita foin halo lansamentu Materia ho mensajen ida ne'e, ami konsellu impresa halo tiha ona enkontru ho editór ho xefe redasaun no diretór informasaun sira. Konsellu imprensa halo mós brifing ho Governu liuhusi Ministériu Asuntu Parlamentár Komunikasaun Sosiál (MAPKONS), ami hato'o tiha ona matadalan ida ne'e”, dehan nia.

Kódigu Jornálista hanesan regulamentu ida atu regulariza servisu profesionál hanesan Jornálista no meiu komunikasaun, giaun reportajen eleitorál hanesan eventuál, bele kaer iha prosesu eleisaun prezidensiál no eleisaun parlamentár. (*)

Tempotimor (Dili)-Konsellu Imprensa (KI) Timor-Leste hala’o kooperasaun servisu ho Programa Dezenvolvimentu Nasaun Unidas (PNUD) halo validasaun ba Peskiza hodi prepara produz matadalan ba jornalista sira bainhira halo reportajen ba asustu violénsia bazeia ba jenéru.

Tempotimor (Dili)-Konsellu Imprensa (KI) atribui sertifikadu ba Estudante hamutuk ema na’in-300 husi Universitáriu no Institutu sira ne'ebé durante ne’e tuir ona formasaun ‘Basic Online Fact Checking.

Tempotimor (Díli)-Sekretáriu Estadu Komunikasaun Sosiál (SEKomS), Merico Juvinal dos Reis Akara, husu ba Jornalista sira atu labele tauk intervensaun polítika, tanba mídia sira iha indenendénsia editorial no konsellu redasaun.

Tempotimor (Dili)-Sekretáriu Estadu Komunikasaun Sosiál (SEKomS), Merico Juvinal dos Reis Akara, ofisialmente lansa planu Estratejiku Konsellu Impresa (KI) ba tinan haat (2022-2026).