Login to your account

Username *
Password *
Remember Me

Benny Wenda Halerik "Favor Ajuda Papua..."

Beni Wenda Lider luta ba Independencia Papua nian Beni Wenda Lider luta ba Independencia Papua nian Foto tempotimor.com

Tempotimor (New York) - Líder Movimentu ba independensia Papua no Papua Osidental Benny Wenda husu ba Timor-oan sira atu kontinua hatudu ninia apoiu solidariedade ba povu Papua ne'ebé dadauk ne'e luta hela ba sira-nia ukun rasik an.

Wenda dehan, nia apresia ho asaun solidariedade ne'ebé Timor-oan, liu-liu estudante sira, hala'o iha Dili foin lalais ne'e.

"Ha’u agradese wain tebes ba estudante Timor-oan tomak ne'ebé halo ona asaun protestu ida, ha'u haree ona foto protestu nian ne'e,” dehan Benny Wenda liu husi intervista ho jornalista tempotimor.com, Sesta (27/09).

Lider Movimentu independensia Papua ne’ebe hola parte mós iha sorumutu Asembleia Jeral ONU iha Nova Yorke ne'e dehan, povu Papua presiza povu Timor nia tulun.

“Povu West Papua presiza imi (Timor-oan) atu sai lian ba sira-nia lian laek, tanba imi kompriende didi'ak saida mak militar Indonezia nian halo ba imi-nia povu durante tempu naruk ba kotuk,” Wenda hateten.

Wenda dehan, hahalok ne'ebé miliar Indonezia halo dauduak iha Papua hanesan mós ho hahalok ne'ebé sira halo ba povu Timor Leste iha tempu kotuk.

“Militar (Indonezia) hanesan ne'ebé uluk oho Timor-oan rihun ba rihun, agora daudaun sira kontinua halo masakre hasoru povu West Papua. Tanba Jeneral Wiranto kontinua haruka aumenta númeru prezensa militar Indonésia iha Papua.”

Iha semana kotuk, tensaun iha Papua hahú sa'e no militar Indonezia ho milisia sira oho populasaun no estudante balun no ema liu atus mak autoridade Indonezia detein.

"Favor ida ajuda povu Papua,” Wenda husu.

Rate this item
(3 votes)
Last modified on Tuesday, 01 October 2019 12:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter