Tuir informasaun ne’ebé fó sai husi Prezidente Internu PLP, Abão José Freitas ‘Mate Restu’, iha konvite ne’ebé www.tempotimor.com asesu katak, partisipasaun lider Partidu no líder Nasaun sira iha Konferensia Nasionál, sei halo diskursu aberta no akompaña diskusaun politika nomós desizaun ne’ebé sei foti husi PLP iha Salaun Madre Canosiana Has-Laran Manleuana, Dili.
Ho Konferensia Nasionál ne'e, hato'o hakuak boot no esperansa ba mudansa progresu rai doben Timor-Leste nian. Nune’e konsidera dinámika politika eleisaun Prezidente Repúblika tinan 2022-2027.
“Sim ajenda ne'e ofisiál, aban ita-boot sira ba koobertura”, dehan Prezidente Interinu PLP, Abrão José Freitas ‘Mate Restu’ liuhosi telefone ba www.tempotimor.com sábadu (26/03).
Nune’e, sei dezafia konjuntura politika nasionál no estabilidade politika, tanba ne'e mak liuhusi lideransa másimu Prezidente Partidu PLP Jenerál Taur Matan Ruak hakarak konvida lider partidu no membru kuadru partidu sira atubele partisipa iha konferensia.
Ba abertura Konferensia Nasionál PLP nian ho Tema Jerál ‘TIMOR TENKI BA OIN’ nia Sub Tema ‘Hamutuk ita reflete pasadu, afirma ita-nia konsolidasaun no servisu maka'as ba povu nia moris di'ak’.
Konferensia Nasionál ne'e sei realiza iha Salaun Madre Canosiana Has-Laran Manievana, Dili, loron 27 marsu 2022 tuku 13.00 Otl to’o remata. (*)