Login to your account

Username *
Password *
Remember Me

KHUNTO Esforsu, VIII Governu Dura To'o Tinan 5

Deputada Olinda Guterres Deputada Olinda Guterres tempotimor.com

Tempotimor (Dili) – Deputada KHUNTO iha Parlamentu Nasionál (PN), Olinda Guterres deklara KHUNTO nafatin mantein nia pozisaun, hodi esforsu maka'as atu garante VIII Governu bele dura to'o tinan lima.

"Ami Partidu KHUNTO mantein pozisaun nafatin vota a favor, hodi lori VIII Governu to'o tinan lima," deklara Olinda Guterres iha Plenária Parlamentu Nasionál, Tersa (22/10/19).

Nia afirma, Tanba ne'e husi partidu Khunto ezize ba PM hodi lori membru nain rua ba PR hodi hetan pose atu garante ba VIII governu iha ezekusaun orsamentu.

Nia dehan, KHUNTO prontu vota a favor iha Parlamentu Nasionál hodi asegura VIII Governu.

Duvida Ho CNRT

Iha sorin seluk, posizaun Polítika Partidu CNRT, ne'ebé to'o agora seidauk troka nia kandidatu iha lista membru Governu na'in sia (9), ne'ebé seidauk hetan pose husi Prezidente Repúblika (PR), halo KHUNTO nu'udar aliadu ida husi Aliansa Mudansa ba Progresu (AMP), sai duvida.

Tuir Olinda Guterres nia parte sei ezije nafatin atu troka kandidatu husi CNRT iha lista membru Governu na'in 9 ne'e. Olinda dehan, ho nune'e bele hetan pose husi Prezidente Repúblika.

“Maibé, partidu CNRT lakohi troka nia ema. Ida ne'e sai duvida boot ba KHUNTO. KHUNTO rasik prepara tiha ona nia ema nain rua atu troka membru iha lista laran. Tansá mak partidu CNRT lakohi troka ona nia membru? Serake ema matenek mak laiha ona ka oinsá? Ha'u konfuzaun. Tanba, imposivel CNRT nia ema matenek mak nain hitu ne'e de'it ona.

Nia afirma, PR nia lia menon katak membru Governu na'in 9 ne'ebé la hetan pose, presiza troka. Tan ne'e, KHUNTO mós halo tuir, hodi troka nia membru na'in rua ne'e.

Maski nune'e, tuir Olinda, bainhira KHUNTO troka ninia ema na'in rua ne'e, Primeiru Ministru sei lori ba PR para hetan pose ka lae?

"Ami ezije nafatin no povu iha kraik mós ezije nafatin promete ne'ebé mak Konseleiru Partidu KHUNTO hatete tiha ona iha momentu sei kampaíña," Olinda esplika.

Rate this item
(0 votes)
Last modified on Tuesday, 22 October 2019 16:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter