Ministru Prezidensia Konsellu Ministru, Fidelis Leite Magalhães esplika, Projetu Rezolusaun Governu nian, ne’ebé aprezenta husi Gabinete Primeiru Ministru no husi TIC TIMOR I.P, kona-ba Planu Estratéjiku Nasionál ba Dezenvolvimentu Dijitál no Teknolojia Informasaun no Komunikasaun (Timor Digitál 2032) (2022 to’o 2032), hala’o iha salaun Konsellu Ministru Palásiu Governu, kuarta (21/12).
Ba Planu Estratéjiku “TIMOR DIJITÁL 2032” sei implementa husi TIC TIMOR I.P., liuhusi koordenasaun husi Prezidénsia Konsellu Ministrus no hanesan parte integrante husi Programa Reforma Administrasaun Públika VIII Governu Konstitusionál Timor-Leste nian.
Tanba ida-ne’e nu’udar planu estratéjiku tinan sanulu nian atu dezenvolve teknolojia dijitál sira no TIC, hodi énfaze ba ninia aplikasaun iha área krítika ho impaktu boot iha dezenvolvimentu umanu no ekonómiku, hanesan prestasaun servisu governmanetál sira – governu eletróniku/dijitál, ekonomia inkluziva, saúde, edukasaun no agrikultura.
Hodi mantein aliñadu ho prioridade dezenvolvimentu sira Governu nian, planu estratéjiku ne’e prepara mós ba adaptabilidade no ba posibilidade atu inklui, neneik-neneik, área adisionál tan. (*)