Ro Haksolok ne’ebé daudauk ne’e sei iha hela Portugal, sai nu’udar problema boot ne’ebé hamosu polemika durante mandatu eis Prezidente Autoridade RAEOA, Mari Alkatiri.
Hafoin simu pose, J.Luis dehan, nia sei serbisu hamutuk ho governu sentral hodi rezolce problema Ro Haksolok.
"Ami sei serbisu, kontinua halo komunikasaun ho administrasaun sesante hodi serbisu hamutuk ho governu sentral par rezolve problema balun hanesan Ro ahi Haksolok ne'ebe ohin loron sei iha Portugal," deklara J.Luis iha nia diskursu hafoin simu pose husi Primeiru Ministru Taur Matan Ruak iha palasiu governu, Kuarta (13/11/19).
Aleinde ne’e, Prezidente Autoridade RAEOA ne’e hatete, kriasaun no aprovasaun ZEESM nu’udar prosesu ne’ebé naruk tan ne’e presiza hametin vontade hodi dezenvolve di’ak liu tan RAEOA-ZEESM.
“Ita labele haluha diskusaun ba kriasaun no aprovasaun ZEESM-RAEOA entre parte governu ne'ebé momentu lidera husi Maun boot Xanana Gusmão, tanba ne'e lori prosesu naruk. Liu husi prosesu ne'ebé naruk atu hametin vontade hodi bele kontinua dezenvolve di’ak liu tan ZEESM-RAEOA,” dehan nia.