Login to your account

Username *
Password *
Remember Me

“Serbisu Uma” husi Arsenio ba Lugu : Buat Barak Seidauk Halo iha Oékusse

Eis Prezidente interinu, RAEOA-ZEESM Arsenio Bano Eis Prezidente interinu, RAEOA-ZEESM Arsenio Bano Foto Especial

Tempotimor (Dili)-Eis Prezidente Autoridade Interinu Rejiaun Administrativu Espesiál Oekusse-Ambeno (RAEOA) Arsenio Paixão Bano fó hela “serbisu uma” lubuk ida ba Prezidente Autoridade RAEOA foun, José Luis Guterres atu halo durante ninia mandatu tinan haat nia laran.

Tuir eis Prezidente Autoridade RAEOA ne’e, iha buat barak mak halo ona iha Oekusse, maibé iha buat lubuk mós seidauk konsege halo iha mandatu Prezidente Autoridade tuan.

"Dezenvolvimentu durante la'o iha Oékusse, iha sasan barak mak halo ona, sasan barak mak seidauk halo, barak liu hanesan estrada, bee-mos inklui edukasaun, saúde, ne'e tenke kontinua," dehan Arsenio bainhira partisipa iha serimonia pose ba Prezidente Autoridade RAEOA foun, iha Palásiu Governu, Kuarta (13/11/19).

Nia hatutan, atu Oekusse bele sai di’ak, Prezidente Autoridade foun tenke kontinua nafatin seitór importante hirak ne’ebé durante ne’e dezenvolve ona hanesan edukasaun, saúde no turizmu.

Kona-ba eletrisidade, Arsenio dehan, daudauk ne’e populasaun porsentu 98 mak asesu ona eletrisidade durante oras 24 nia laran.

"Ko'alia ba porsentu eletrisidade ne'ebé populasaun asesu, pelumenus hela de'it porsentu ida ka rua mak seidauk (asesu), tanba balun izoladu liu, dook husi estrada," dehan Bano

Ba reseita husi RAEOA-ZEESM, nia hatete, durante lideransa eis Prezidente Autoridade Mari Alkatiri to’o nia tempu nu’udar Prezidente Autoridade interinu, konsege halibur osan hamutuk millaun $34 ba kofre estadu.

“Agora atu hetan tan osan barak depende ba prezidente foun,” nia dehan.

Rate this item
(2 votes)
Last modified on Thursday, 14 November 2019 11:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter