Login to your account

Username *
Password *
Remember Me

Xanana Rende Harii Planta LNG iha Beasu, Posibilidade Muda ba Natarbora

Plantasaun Beacu Plantasaun Beacu Grafis husi google.com

Tempotimor (Dili)-Xefe Negosiadór ba Delimitasaun Fronteira Maritima (XNDFM), Kay Rala Xanana Gusmão rende hodi halo negosiasaun ho komunidade sira iha Beasu, Postu Administrativu Uatulari, Munisipiu Vikeke, relasiona ho planu atu estabelese planta Liquefied Natural Gas (LNG).

Tuir planu governu nian, Beasu, Munisipiu Vikeke, sei sai nu’udar fatin ida atu estabelese LNG, maibé planu ne’e ameasadu la realiza iha fatin refere, tanba indinimizasaun ne’ebé komunidade Beasu husu boot liu.

Deputadu husi bankada FRETILIN Fabião de Oliveira informa katak, Xefe Negosiadór halo ona negosiasaun ho komunidade sira iha Beasu, maibé komunidade nia proposta ba indinimizasaun boot liu.

Tuir informasaun ne’ebé deputadu ne’e simu, tanba laiha konkordansia ba malu, Xanana deside hodi muda fali planta LNG ba Natarbora, Munisipiu Manatuto.

"Ha'u mós rona katak (planta LNG) la akontese iha Beasu maibé muda fali ba Natarbora, entaun se la akontese iha Beasu signifika dezentendimentu entre Xefe Negosiadór ho ita-nia populasaun sira kona-ba indiminizasaun," informa deputadu Fabião iha Parlamentu Nasionál (PN), Kinta (05/12/19).

Tuir nia, mosu dezintendimentu tanba governu hakarak muda komunidade sira ba foho leten ne’ebé bee laiha.

“Fatin ne'ebé atu muda fali populasaun (ba) ne'e susar, tanba bee laiha, tanba antes ne'e populasaun hela iha parte kraik (rai tetuk) maibé muda fali ba leten (foho) ne'e susar, tanba ne'e mosu dezintendimentu.”

Kona-ba atu muda fali ba Natarbora, deputadu ne’e dehan, ne’e depende ba prosesu negosiasaun Xefe Negosiadór ho populasaun Natarbora.

Maibé, iha preokupasaun kona-ba rai iha Natarbora, tanba rai ne’e potensia ba agrikultura no pekuaria.

“Se estabelese planta LNG iha Natarbora sei estraga poténsia agrikultura nian husi parte tasi mane,” dehan Fabião.

Entretantu, tuir informasaun ne’ebé Tempotimor.com asesu, Xefe Negosiadór Xanana Gusmão iha 7 Dezembru 2019 sei hahú negosiasaun ho komunidade sira iha Natarbora.

Rate this item
(8 votes)
Last modified on Thursday, 05 December 2019 14:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter