Max Sthal sei Hetan Sidadania Espesial husi PN

Max Stahl Max Stahl Foto: tempotimor.com

Tempotimor (Dili)-Max Sthal, jornalista senior ida ne’ebé fó kontribuisaun maka’as durante luta ba libertasaun nasionál sei hetan tan rekoñesimentu espesial husi Timor Leste. Parlamentu Nasionál, tuir planu, sei atribui sidadania espesial ba Max Sthal.

Max Sthal sai nu’udar jornalista ida ne’ebé iha papel importante hodi fó sai Masakre Santa Kruz, 12 Novembru 1991, ba mundu tomak hodi hatene.

Planu atribuisaun sidadania espesial ne’e sei realiza iha 10 Dezembru ne’ebé mós sai nu’udar loron direitus umanus.

"PN sei halo votasaun no aprovasaun ba atribuisaun sidadania espesiál ba señor Max Stahl tuir rekomendasaun husi sua exelénsia Prezidente Repúblika (PR) nian, tanba ne'e iha loron 10 Dezembru semana oin nu'udar mós loron direitus umanu nian, nune’e ami sei aprova ida ne'e ho rezolusaun ida hodi entrega sidadania espesiál ba señor Max Stahl," informa Prezidente Parlamentu Nasional Arão Noé de Jesus da Costa Amaral, iha PN, Kinta (05/12/19).

Atribuisaun sidadania espesial ba Max Sthal, Arão dehan, nu’udar rekoñesimentu no onra husi Timor Leste ba ninia kontribuisaun hahú kedas iha 1991 to'o ohin loron.

"Max Stahl nia kobtribuisaun dezde 1991 to'o agora nia sei hela nafatin iha ne'e ho nia familia. Ida ne'e sujestaun PR, entaun PN konsidera, nune'e ajenda tau iha loron 10 Dezembru, semana oin," Arão afirma.

Rate this item
(0 votes)
Last modified on Friday, 06 December 2019 14:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com