Print this page

Austrália Kontribui Ba Dezenvolvimentu Ekonomia TL

By December 06, 2019 1506
Embaixadór Austrália ba Timor-Leste, Peter Robert Embaixadór Austrália ba Timor-Leste, Peter Robert Foto: tempotimor.com

Tempotimor (Dili) – Governu Austrália promete, hakarak kontribui ba dezenvolvimentu ekonomia no promove komérsiu iha Timor-Leste.

Embaixadór Austrália, Peter Robert informa kestaun ne'e ba jornalista hafoin hasoru Primeiru Ministru Taur Matan Ruak iha Palásiu Governu, Dili, Sesta (06/12/19).

"Ha'u hakarak koopera ho Timor-Leste nia dezenvolvimentu no hakarak promove mós komersiu," hatete Peter Robert ho lian Tetum.

Embaixadór ne'e dehan, iha relasaun di'ak entre Timor-Leste ho Austrália. Tan ne'e, presiza servisu hamutuk, hodi hadi'a dezenvolvimentu ekonomia iha Timor-Leste ho di'ak liután.

Iha parte seguransa nasaun rua ne'e, tuir Peter, la'o di'ak ona. Nune'e, Austrália hakarak kontribui mós  iha parte ekonomia hodi dezenvolve Timor-Leste.

Peter garante, ba futuru kontinua servisu hamutuk ho nasaun Timor-Leste, hodi haforsa dezenvolvimentu ba susesu.

Rate this item
(1 Vote)
Last modified on Friday, 06 December 2019 12:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items