Governu, Diskrimina Vítima Inséndiu no Dezastre Naturais
Ahi han Merkado Komoro iha inisiu fulan ne'e
Foto Suplai
Tempotimor (Dili) – Deputadu Bankada FRETILIN, Joaquin dos Santos konsidera VIII governu halo deskriminasaun ba vítima insendiu hamutuk 598. Tanba, to’o agora sira seidauk hetan apoiu ruma husi governu.
Kazu insediu ahi-han no anin sobu populasaun nia uma hamutuk 598 ne'e, akontese iha Bobonaro, Likisá, Aileu no Ermera. Fulan rua ona, tuir deputadu Joaquin, vitima sira seidauk hetan apoiu.
“Sa intervensaun mak governu halo ba vitima sira. Kazu akontese liu fulan rua ona. Saida mak governu halo, ita presiza hatene informasaun imediatu. Mais, se kuandu fulan rua governu seidauk intervene, ne’e pena. Parlamentu Nasionál tenke rekomenda sériu,” deklara Joaquin dos Santos iha ninia intervensaun iha plenária, Segunda (16/12/19).
Joaquin dehan governu tau interese liu ba insendiu ne'ebé akontese iha estranjeiru, duke iha rai-laran.
“Realidade hatudu. Kuandu mosu insendiu ruma iha rai liur, ohin kedas governu buka solusaun lalais, hodi aprova orsamentu haruka ba liur. Mais, insendiu ne’ebé akontese iha rai-laran, governu ladún tau atensaun,” nia deklara.
Iha fatin hanesan, deputadu Fabião de Oliveira mós husu governu atu resolve mós insendiu sira-nia dokumentu hanesan diploma no sertidaun, inklui dokumentu relevante seluk ne’ebé ahi han mutuk.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.