Tempotimor (Dili) – Ministru Prezidensia Konsellu Ministru (MPKM), Agio Pereira informa, Kinta (19/12/19) aban maizumenus tuku 10.00 dadeersan, Konsellu Ministru (KM) sei aprova tan OJE 2020, ne'ebé nia dehan, governu halo ona redusaun.

 

"Aban, tuku 10.00 Konsellu Ministu (KM) sei reuniaun para aprova Orsamentu Jerál Estadu (OJE) 2020, depois hatún kedas ba Parlamentu Nasionál (PN), para PN bele konsidera no halo kalendarizasaun," informa MPKM Agio Pereira iha Palásiu Governu hafoin remata reuniaun KM, Kuarta (18/12/19)

 

Entretantu, bainhira OJE 2020 tama ona iha Parlamentu Nasionál no tama ona ba iha faze debate nian, sei lidera husi Ministru Estadu Prezidensia Konsellu Ministru (MEPKM) Agio Pereira no apoiu husi Ministra Finansas (MF) Interina Sara Lobo Brites, Ministra Edukasaun Juventude no Desportu (MEJD) Dulce de Jesus Soares no Ministru Transporte no Komunikasaun (MTK) José Agustino da Silva.