Sekretáriu Estadu Formasaun Profisionál no Empregu (SEFOPE), Julião da Silva informa lia hirak ne'e bainhira hala’o lansamentu expozisaun ba Loron Mundiál Turizmu, iha Sentru Convensõens Dili (CCD), Kinta (26/09/19). 

Julião hatete, bainhira fatin turizmu sira dezenvolve ona, bele hamenus númeru dezempregu iha nasaun ida ne'e. Tan ne’e, nia husu joventude timoroan sira atu partisipa iha formasaun profisionál, hodi bele kompete iha merkadu traballu.

“Formasaun ne’e, importante tebes. Sei lakohi tuir formasaun, ita lalika mehi atu kompete ho ema seluk iha merkadu traballu,” SEFOPE esplika.