Kompetitór ne’ebé kompete iha kompetisaun ne’e, mai husi Sentru Formasaun 12. Hanesan; CNEFP-Tibar, CNFP SENAI-Bekora, Sentru Formasaun Dom Bosco Komoro, CTC Salele-Suai, ESTV-Fatumaka, ESTV-Dili, Sentru STVJ, Sentru Canosiana, DIT-Dili, Sentru Vizaun Foinsa’e Dili, ETDA-Dili no ESTV-Venilale.
Área ne’ebé kompetitór sira halo kompetisaun mak hanesan Konstrusaun Sívil (kompostu hosi kanalizasaun, eletrisidade, pedreiru, karpintária no soldadura), Otelaria no auto-mekánika.
Rezultadu husi kompetisaun ne’e, vensedór dahuluk iha área kontrusaun sivíl, eletrisidade husi CNEFP-Tibar, daruak hosi Sentru Formasaun Dom Bosco Komoro, datolu hosi Sentru Formasaun SENAI-Bekora.
Vensedór dahuluk iha área karpintária mak Sentru Formasaun SENAI-Bekora, daruak CNEFP-Tibar, no datolu ESTV-Fatumaka Baucao.
Área kanalizasaun Vensedór dahuluk mak Sentru Formasaun SENAI-Bekora, daruak CNEFP-Tibar, no datolu ESTV-Fatumaka Baucao.
Manan-nain dahuluk iha pedreiru mak Sentru Formasaun Dom Bosco Komoro, daruak mak Sentru Formasaun SENAI-Bekora no datolu mak CNEFP-Tibar.
Vensedór primeiru iha Soldadura mak CNEFP-Tibar, segundu Sentru Formasaun Dom Bosco Komoro no terseiru lugar mak CNFP SENAI- Bekora.
Iha área Auto-mekánika manan nain ba dahuluk mak Dili Institute of Technology (DIT) no daruak maka Sentru Formasaun Dom Bosco Kumoro.
Manan na'in dahuluk iha área otelária mak Sentru Formasaun Tibar, daruak mak Dili Institute of Technology (DIT) no datolu mak ETDA.
Husi valor osan ba parte dahuluk nia ho montante $600, daruak $400 no datoluk $200. Komisaun organizadóra fahe mós prémiu no sertifikadu apresiasaun ba Juri no patrosinadór sira.
Iha biban ne’e SEFOPE hateten governu da-walu konstituisionál kontinua nafatin fó oportunidade ba joven sira hotu atu eleva di’ak koñesimentu iha sentru formasaun sira.
SEFOPE mós sei apoíu nafatin halo promosaun kualidade maun de-obra nune’e kopaña ka setór privadu sira bele rekruta joven timor-oan sira ba servisu.
Governante ne’e mós hateten kompetisaun ne’e atu motiva de’it, la iha ida manan no la iha ida lakon, ne’e duni husu sentru formasaun hotu-hotu, atu nafatin kontinua hatudu boavontade, no ispíritu matenek nia.
