Print this page

SEFOPE Haree Oportunidade Traballu Iha Melbourne

By December 09, 2019 461
Adidu traballu SEFOPE hamutuk ho office Manager ba Konsuladu Timor-Leste hala’o enkontru ho gabinete xefe Estadu Victoria iha edifisiu xefe Estadu Melbourne. Adidu traballu SEFOPE hamutuk ho office Manager ba Konsuladu Timor-Leste hala’o enkontru ho gabinete xefe Estadu Victoria iha edifisiu xefe Estadu Melbourne. Foto Midia SEFOPE

Tempotimor (Melbourne) – Atu haree oportunidade traballu ba timoroan iha Melbourne, Austrália, Sekretáriu Estadu Formasaun Profisionál no Empregu (SEFOPE), liuhusi adidu traballu iha Austrália hala’o enkontru ho gabinete Xefe Estadu Victoria nian, iha edifísiu Xefe Estadu Melbourne.

Iha inkontru ne’e, parte rua ko’alia liu kona-ba posibilidade traballadór husi Timor-Leste bele ba servisu iha Melbourne. Liuliu iha área ospitalidade.

Depois rona objetivu husi enkontru ne'e, gabinete Xefe Estadu Victoria, husu ba adidu SEFOPE nian, atu halo aranzamentu hodi hasoru malu ho Asosiasaun Akomodasaun iha Melbourne. Tanba, iha Melbourne Asosiasaun Akomodasaun menus traballadóres iha apartamentu no hotel sira.

Hatán ba prokupasaun ne’e, adidu hateten Timor-Leste iha joven ne’ebé sufisiente hodi bele responde ba traballadóres ne’ebé Asosiasaun Melbourne presiza.

Inkontru ne’e sei kontinua fali iha loron 19 Dezembru 2019, iha Melbourne hodi ko’alia ho Xefe Estadu Victoria no Prezidente Asosiasaun Akomodasaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items