Print this page

Formandu 36 Simu Sertifikadu

By December 20, 2019 1230
Sekretáriu Estadu Formasaun Profisionál no Empregu SEFOPE Julião da Silva akompaña husi Diretór Jerál Empregu no Diretór Nasionál CIMT fahe sertifikadu ba formandu na’in 36 ne’ebé tuir formasaun iha sentru formasaun EIROS, iha Dili (20/12) Sekretáriu Estadu Formasaun Profisionál no Empregu SEFOPE Julião da Silva akompaña husi Diretór Jerál Empregu no Diretór Nasionál CIMT fahe sertifikadu ba formandu na’in 36 ne’ebé tuir formasaun iha sentru formasaun EIROS, iha Dili (20/12) Foto Midia SEFOPE

Tempotimor (Dili) – Formandu hamutuk 36, ne'ebé durante ne'e tuir formasaun iha Sentru Formasaun EIROS, Sesta (20/12/19) simu sertifikadu.

Sekretáriu Estadu Formasaun Profisionál no Empregu (SEFOPE), Julião da Silva iha seremonia entrega sertifikadu ne'e, hato'o ninia agradesimentu ba EIROS, ne'ebé konsege produs ona joventude barak, hodi hetan servisu iha rai-laran mós rai-liur.

“Husu nafatin atu kontinua kapasita maluk timoroan sira-nia kapasidade, iha área indústria ne’ebé nesesidade merkadu presiza,” SEFOPE hatete.

Julião mós husu ba formandu sira, atu labele para ho sertifikadu ne’ebé sira simu ona ne'e. Maibé, kontinua nafatin aprende hodi hadi’a di’ak liután língua ne’ebé sira aprende ona. 

“Husu ba familia atu nafain fó korajen ba oan sira hodi hakbesik an ba Sentru Formasaun ne’ebé besik iha idaidak ninia munisípiu, hodi aprende. Tanba, atu redus númeru dezempregu iha ita nia nasaun, persiza ema hotu nia kontribuisaun,” Julião husu. 

Formadu na’in 36 ne'ebé simu sira-nia sertifikadu ne'e kompostu husi, na’in 17 iha área Ingles, 7 iha área SPSS ba funsionáriu SEFOPE no na’in 12 iha área akontabilidade+Maiór no tezoreira ba funsionáriu MSSI.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items