SEKomS La Hetan Impaktu husi Redusaun OJE 2020

S.E SECOMS, Mericio Juvinal "Akara" iha Debate hamutuk Jornalista ho topiku "Importansia Lei Radio&Televizaun iha TL S.E SECOMS, Mericio Juvinal "Akara" iha Debate hamutuk Jornalista ho topiku "Importansia Lei Radio&Televizaun iha TL Foto Facebook
tempotimor.com (Dili)-Sekretariu Estadu Komunikasaun Sosial la sente inpaktu husi redusaun ba Orsamentu Jeral Estadu (OJE) tinan fiskal 2020.

Sekretariu Estadu Mericio Akara hateten, SEKomS kumpre ezijensia husi deputadu sira Parlamentu Nasional, maibe la fo impaktu signifikativu ba SEKomS.

"Redusaun ne'e la fo inpaktu signifikante ba ezistensi servisu Sekretariu Estadu Komunikasaun Sosial nian", dehan Akara, iha Uma Fukun Parlamentu Nasional, Kuarta (8/1).

Husi revizaun ne'e SEKomS rasik halo redusaun iha verba bens no servisu, viajen lokal no estranjeiru, maibe laiha problema hodi afeta ba servisu jeralmente.

Iha inisiu OJE 2020 SEKomS hetan osan tokon $6.5 hafoin revizaun Komite Revizaun Orsamentu (KRO) hatuun ba  tokon $5.9.

Entretantu OJE tinan fiskal 2019 ba SEKomS rasik ezekuta hamutuk 92.5%. (*)
 
 
 
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.