"Hau mai hasoru Primeiru Ministru atu relata progresu dadus inundasaun sira ne'ebé iha tempu udan be estraga komunidade nia-uma, liuliu iha Suku Manleuana", dehan Salvador, iha Palasiu Governu, Segunda (13/1).

Nia afirma, dadus vítima inundasaun ne'ebé akontese iha loron 29 Dezembru 2029, iha Manleuana hamutuk uma ka'in 205.

Nune'e, iha tempu badak sei halo konstrusaun iha área ne'e para bele halo prevene inundasaun iha tempu udan.

Nia esplika, akontesimentu inundasaun iha Manleuana, tanba risku husi bronjong ne'ebé hetan estragu husi komunidade balun, tanba ne'e kuandu udan tuun, bee tama husi fatin lima hodi estraga komunidade nia-uma.

Totál orsamentu ba prevesaun inundasaun sei depende ba levantamentu dadus hafoin bele hatene loloos totál orsamentu.