Maski nune'e, tuir nia, importante liu maka oinsa hadi'a uluk povu Atauru nia-moris, nune'e labele sente marjinalizadu iha nasaun ne'e.

"Kestaun estatu ita haree dadaun no sei haree depois. Maibé ita bele servisu hamutuk ho administradór Dili ne'ebé toma konta ne'ebá (Ataúru) mós," dehan Luis Guterres, iha Kuartél Jerál F-FDTL, Fatuhada,Tersa (14/1).

Husi parte ZEESM rasik nafatin koopera ho admistrasaun Dili atu rezolve problema prioridade ba povu Ataúru, liuliu ba konstrusaun nesesidadade báziku.

"Se ita seidauk iha definisaun lei nian, ita servisu hamutuk laiha problema," tenik nia.

Tuir Konstituisaun RDTL, rai ketan Oekusi no Ataúru, nu'udar zona espesiál eskluzivu. Maibé agora daudaun sei sai hanesan Postu Administrativu iha Munisípiu Díli nia-okos.

Nune'e, define ona tuir Lei Zona Espesial Ekonomia Sosiu Merkadu (ZEESM) Ataúru nu'udar pakote ida, maibe Eis-Prezidente ZEESM, Mari Alkatiri, deklara labele implementa projetu iha fatin ne'e tanba mosu dezintendimentu balun.

Ne'e duni, Jose Luis Guterres, iha kompeténsia tomak atu implementa projetu konstrusaun fíziku tuir lei ZEESM define ona. (*)