Login to your account

Username *
Password *
Remember Me

CNRT ne’ebé Sente sai Vitima: OJE 202O mós La Passa

Xefe Bankada CNRT, Duarte Nunes Xefe Bankada CNRT, Duarte Nunes Foto Suplai

Tempotimor (Dili)-Partidu ho votus barak liu iha bloku Aliansa Mudansa ba Progresu (AMP), CNRT, sente sai vitima ba impase politika ne’ebé akontese iha Timor Leste. Ho nune’e, maioria deputadu husi Bankada CNRT iha Parlamentu Nasionál (PN) deside hodi la apoiu proposta OJE 2020.

Hanesan públiku hatene, iha votasaun jeneralidade ba OJE 2020, deputadu na’in 13 a favor, deputadu na’in 15 kontra, no deputadu na’in 25 abstensaun. Signifika proposta OJE 2020 iha jeneralidade la pasa.

Prezidente Bankada CNRT iha PN, Duarte Nunes hatete, durante ne’e CNRT sente sofre iha situasaun empase politika ne'ebé lao.

"Ami hetan persegisaun durante tinan 2," dehan Duarte iha Parlamentu Nasional Dili, Sesta (17/01).

Tuir CNRT, iha inkonsistensia iha programa governu nian, tanba hatudu intensaun atu la tau konsiderasaun ba programa AMP ne’ebé promesa on aba povu.

"Ami haree situasaun ne'e triste. Ami deputadu CNRT uza dereitu atu vota tuir konsensia," dehan Duarte.

Iha fatin hanesan, maske proposta OJE 2020 la pasa, maibé Bankada PLP iha komitementu nafatin hodi apoiu goveru AMP ne’ebé lidera husi Primeiru Ministru Taur Matan Ruak.

"Apoiu ba VIII governu konstitusional tanba alokasaun OJE 2020 ba seitor importante haat relasiona ho povu nia nesesidade,” dehan deputadu PLP Noé da Silva.

Tan ne’e, nia dehan, bankada PLP iha PN afirma ninia votus konfiansa ba governu no ba OJE 2020.

Bankada KHUNTO, liu husi deputadu Antonio Nobel husu ba governu AMP atu hadia prestasaun serbisu iha seitór saúde, infraestrutura, bee-moos no saneamentu, dezenvolve ekonomia, agrikultura, turizmu no petroleum.

Deputadu Bankada PUDD Antonio Benevides husu ba PM Taur atu hadia komunikasaun di’ak iha AMP no ho membru governu sira.

"Ha’u hato'o ba Primeiru Ministru atu halo komunisaun di’ak ho AMP sira, tanba laiha unidade, povu kontinua terus,” nia sujere.

Bankada opozisaun, FRETILIN, ne’ebé vota kontra OJE 2020 fó razaun katak, sira vota kontra tanba porsentajen OJE 2019 ne’ebé haksoit derrepente hodi hamosu dúvidas.

Prezidente Bankada FRETILIN, Aniceto Guterres, kestiona mós promesa governu AMP atu kria kampu serbisu rihun 60.

“Bankada FRETILIN iha esperansa estrutura proposta OJE (2020) hafoin retira atu iha mudansa ba pro povu maibé realidade OJE 2020 foun (la) pro-povu. Ami triste ho proposta OJE," deklara Aniceto.

Tuir Aniceto, proposta OJE 2020 la tau importansia ba povu nia nesesidade baziku.

"Laiha investementu iha área edukasaun, saude, sgrikutura," dehan Aniceito.

Ba kestaun hirak ne’e, PM Taur deklara, governu sempre rona no tau konsiderasaun ba rekomendasaun husi deputadu sira.

"Se deputadu sira hakarak ba rrsamentu duadesimu, ha’u-nia governu prontu simu konsekuensia," deklara PM Taur.

Rate this item
(4 votes)
Last modified on Sunday, 19 January 2020 00:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter