Deklarasaun ne’e PM Taur hato’o hafoin hasoru-malu ho Prezidente Repúblika Francisco Guterres Lu Olo iha Palasiu Prezidensial Aitarak-Laran, Segunda (20/01).
Sorumutu entre Xefe Estadu ho Xefe Governu ne’e relasiona ho ho proposta Orsamentu Jeral Estadu (OJE) 2020 ne'ebé la pasa iha Parlamentu Nasional.
"Orsamentu la liu signifika AMP laiha ona. Deputadu CNRT iha Parlamentu Nasional mak baku mate AMP," dehan Taur.
Kona-ba pozisaun PM, Taur dehan nia intrega hikas ba PR Lu Olo atu foti desizaun no Taur rasik prontu simu desizaun ne’ebé PR foti.
"Ha’u-nia fatin Primeiru Ministru despozisoens ba Prezidenti Repúblika, desizaun saída de’it ha’u prontu atu apoiu," dehan Taur.
Entertantu iha Sesta (17/01), proposta OJE 2020 la konsege pasa hafoin deputadu na’in 13 afavor, na’in 15 kontra no na’in 25 abstein.