Taur Entrega Kargu PM ba PR Lu Olo

PM Taur Matan Ruak ko'alia hela ba jornalista sira iha Palasiu aitarak Laran PM Taur Matan Ruak ko'alia hela ba jornalista sira iha Palasiu aitarak Laran Foto Midia PR

Tempotimor (Díli)-Primeiru Ministru Taur Matan Ruak deklara nia entrega kargu PM ba Prezidente Repúblika Francisco Guterres Lu Olo hodi deside.

Xefe governu AMP ne’e hato’o kestaun ne’e hafoin hasoru-malu ho PR Lu Olo iha Palasiu Prezidensial Bairru-pite, Segunda (20/01).

Hafoin enkontru, PM Taur hatete, bloku AMP laiha ona no pasta Primeiru Ministru sei entrega ba PR Lu Olo atu foti desizaun.

"Ha’u-nia fatin Primeiru Ministru despozisoens ba Prezidente Repúblika, desizaun saída de’it ha’u prontu simu," dehan PM Taur.

Entretantu, tuir Konstituisaun RDTL artigu 112 alineia “b” kona-ba Demisaun Governu nian, PR bele halo demisaun ba governu bainhira simu pedidu demisaun husi PM.

Artigu ne’e hatete: (Demisaun Governu nian akontese) “Bainhira Prezidente Repúblika simu pedidu demisaun husi Primeiru Ministru”.

Daudaun ne’e PM Taur seidauk hato’o ninia karta demisaun maske nia deklara katak AMP la eziste ona.

Rate this item
(8 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.